ۇلتتىق بانكتٸڭ مەلٸمەتٸنشە, قاڭتار ايىنىڭ قورىتىندىسى بويىنشا تەڭگە باعامى 1 اقش دوللارى ٷشٸن 518,2 تەڭگەگە دەيٸن 1,3%-عا نىعايدى. قازاقستان قور بيرجاسىنداعى ساۋدا-ساتتىقتىڭ ورتاشا كٷندٸك كٶلەمٸ بٸر ايدا 254 ملن اقش دوللارىنان 227 ملن اقش دوللارىنا دەيٸن تٶمەندەدٸ. ساۋدا-ساتتىقتىڭ جالپى كٶلەمٸ 4,5 ملرد اقش دوللارىن قۇرادى, دەپ جازادى Dalanews.kz.
"قاڭتار ايىندا ۇلتتىق قوردان 850 ملن اقش دوللارىنا ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرتتەر بٶلۋگە, سونداي-اق "تالدىقورعان-ٷشارال" ماگيسترالدىق گاز قۇبىرىن سالۋعا باعىتتالعان ينفراقۇرىلىمدىق جوبانى قارجىلاندىرۋعا مٷمكٸندٸك بەردٸ. ۇلتتىق قوردان ساتۋ ٷلەسٸ جالپى ساۋدا-ساتتىق كٶلەمٸنٸڭ 19%-ىن نەمەسە كٷنٸنە شامامەن 43 ملن اقش دوللارىن قۇرادى", دەلٸنگەن حابارلامادا.
ۇلتتىق بانك ۇلتتىق قوردىڭ قاراجاتىمەن وپەراتسييالار جٷرگٸزۋ كەزٸندە نارىقتىق بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جەنە بٸركەلكٸ ساتۋدى بٸلدٸرەدٸ.
سونداي-اق ۇلتتىق بانك ٷكٸمەتتٸڭ الدىن الا بولجامدى ٶتٸنٸمدەرٸ بويىنشا رەسپۋبليكالىق بيۋدجەتكە ترانسفەرت بٶلۋگە اقپاندا ۇلتتىق قوردان 550 ملن اقش دوللارىنان 650 ملن اقش دوللارىنا دەيٸنگٸ مٶلشەردە ۆاليۋتا ساتىلادى دەپ كٷتەدٸ.
ۇلتتىق بانك قاڭتاردا زەينەتاقى اكتيۆتەرٸنٸڭ ينۆەستيتسييالىق پورتفەلٸنە اقش دوللارىن ساتىپ العان جوق. اقپاندا دا بجزق-عا ۆاليۋتا ساتىپ الۋ جوسپارلانبايدى.
قاڭتار ايىندا ۇلتتىق بانك وتاندىق التىن ٶندٸرۋشٸ كەسٸپورىنداردان بۇرىن ساتىپ الىنعان التىندى ساتۋدان تٷسكەن اقش دوللارىن ٸشكٸ ۆاليۋتا نارىعىندا ساتۋ كٶزدەلەتٸن تەڭەستٸرۋ تەتٸگٸن ەندٸرۋگە شەشٸم قابىلدادى.
"وسى شەشٸم اياسىندا قاڭتاردا 244 ملرد تەڭگە ازايتىلدى. اقپاندا وسى ماقساتتا بالاماسىندا شامامەن 250 ملرد تەڭگە كٶلەمٸندە ۆاليۋتا ساتۋ كٷتٸلەدٸ", - دەيدٸ ۇلتتىق بانك.
بۇعان دەيٸن 2024 جىلدىڭ تٶرتٸنشٸ توقسانىندا اففيناجدالعان التىندى تەپە-تەڭ ساتىپ الۋ ٷشٸن ۇلتتىق بانك 2025 جىلعى بٸرٸنشٸ توقسان ٸشٸندە شامامەن 750 ملرد تەڭگەگە شەتەل ۆاليۋتاسىن ساتاتىنى حابارلانعان.
