قىتايلىق Temu ماركەتپلەيسٸ پولشادا جەڭٸلدٸكتەردٸ كٶرسەتۋ تەسٸلٸنە بايلانىستى ايىپپۇلعا تارتىلدى. ەندٸ ونلاين-پلاتفورما ەل بيلٸگٸنە 1,7 ميلليون دوللار تٶلەۋٸ تيٸس, دەپ حابارلايدى Dalanews.kz.
ٸرٸ كٶلەمدەگٸ ايىپپۇلدى پولشانىڭ بەسەكەلەستٸكتٸ جەنە تۇتىنۋشىلاردىڭ قۇقىقتارىن قورعاۋ باسقارماسى — UOKiK سالدى. ەل زاڭناماسىنا سەيكەس, ساتۋشى سوڭعى 30 كٷن ٸشٸندەگٸ تاۋاردىڭ ەڭ تٶمەنگٸ باعاسىن كٶرسەتۋگە مٸندەتتٸ. بۇل تۇتىنۋشىعا جەڭٸلدٸكتٸڭ شىنايى مٶلشەرٸن جەنە ۇسىنىستىڭ قانشالىقتى تيٸمدٸ ەكەنٸن باعالاۋعا مٷمكٸندٸك بەرەدٸ. Temu وسى تالاپتى بۇزىپ, بٸر اي ٸشٸندەگٸ ەڭ تٶمەن باعا تۋرالى اقپاراتتى كٶرسەتپەگەن.
سونىمەن قاتار, پلاتفورما باعا دەمپينگٸ, جەڭٸلدٸكتەردٸ ويىن ەلەمەنتتەرٸ ارقىلى ۇسىنۋ جەنە «ميللياردەر سيياقتى ساتىپ ال» ۇرانىمەن تانىمال. مىسالى, ماركەتپلەيس قىمبات ساناتتاعى تاۋارلاردى, سونىڭ ٸشٸندە PlayStation نەمەسە Nintendo كونسولدەرٸن 990 تەڭگەدەن دە ارزان باعادا ۇسىناتىنداي كٶرٸنەدٸ. الايدا مۇنداي باعا تەك ناقتى بٸر ۋاقىت ارالىعىندا جەنە ٶتە شەكتەۋلٸ دانامەن عانا قولجەتٸمدٸ بولادى. جەڭٸلدٸكتٸ «ۇستاپ قالۋعا» تىرىسقان قولدانۋشىلارعا وسى ارالىقتا كٶپ مٶلشەردە جارناما مەن ماركەتينگتٸك ايلالار كٶرسەتٸلٸپ, قاجەتسٸز تاۋارلارعا اقشا جۇمساۋعا يتەرمەلەيدٸ. سوندىقتان Playstation سىندى قىمبات قۇرىلعىنى Temu -دەن 990 تەڭگەگە ساتىپ الۋ ىقتيمالدىعى ٸس جٷزٸندە نٶلگە تەڭ. مۇنداي سحەمالاردىڭ قالاي جۇمىس ٸستەيتٸنٸ تۋرالى قولدانۋشىلار ەلەۋمەتتٸك جەلٸلەردە جيٸ جازادى.
ايتا كەتۋ كەرەك, كەيبٸر قازاقستاندىق ينفليۋەنسەرلەر ەلٸ دە وسى ماركەتپلەيستٸ جارنامالايدى. ولاردىڭ ايتۋىنشا, Temu-دەن تاڭدالعان تاۋارلاردى بەلگٸلٸ بٸر شارتتاردى ورىنداسا, تەگٸن الۋعا بولادى. الايدا ەلەۋمەتتٸك جەلٸ قولدانۋشىلارى مۇنداي «تەگٸن» تاۋار الۋ ٷشٸن ونداعان ادامدى قوسىمشاعا تٸركەلۋگە كٶندٸرۋ قاجەت ەكەنٸن ايتادى. قۇرىلىمى جاعىنان بۇل تەسٸل جەلٸلٸك ماركەتينگكە, تٸپتٸ قارجىلىق پيراميداعا ۇقسايدى.
Temu-دٸڭ ماركەتينگتٸك ەدٸستەرٸ الاياقتىق ايلالارعا ۇقسايتىنىن قازاقستاندىقتار بۇرىننان بايقاعان. مىسالى, Reddit فورۋمىندا شامادان تىس جارناما, ەڭ ٷزدٸك سمارتفونداردى نان مەن سٷتتٸڭ باعاسىنداي اقشاعا ساتۋ تۋرالى حابارلاندىرۋلار جەنە ماركەتپلەيستەگٸ تاۋار ساپاسىنىڭ ٶتە تٶمەندٸگٸ جيٸ تالقىلانعان.
بۇعان قوسا, قازاقستاندىق باق قىتاي ماركەتپلەيستەرٸ قولدانۋشىلاردى تەۋەلدٸلٸككە يتەرمەلەۋٸ مٷمكٸن ەكەنٸن جازعان. كەرٸ ساناق تايمەرلەرٸ, رەفەرالدىق جٷيەلەر جەنە ويىن فورماتىنداعى جەڭٸلدٸكتەر ادامداردى ٷزدٸكسٸز شىعىن جاساۋ مەن دەرەكتەر الماسۋ تسيكلٸنە ەنگٸزەدٸ. سونىڭ سالدارىنان كەيبٸر قولدانۋشىلار ارزان سىيلىق نەمەسە كٷمەندٸ جەڭٸلدٸك الۋ ٷشٸن 2–3 تەۋلٸككە دەيٸن ۋاقىتىن جۇمساپ, ونداعان مىڭ تەڭگە شىعىنداۋى مٷمكٸن.
ساراپشىلاردىڭ پٸكٸرٸنشە, مۇنداي تەسٸلدەر دوفامين بٶلٸنۋٸن ىنتالاندىرىپ, پلاتفورمانى قۇمار ويىندار, ەلەۋمەتتٸك جەلٸلەر جەنە بەينەويىندار سيياقتى تەۋەلدٸلٸك تۋدىراتىن ورتاعا اينالدىرادى. ال جالپى مەحانيكاسى مەن مٸنەز-قۇلىققا ەسەر ەتۋ جولدارى ويىن اۆتوماتتارىنىڭ پرينتسيپٸنە ۇقسايدى.
