قازاقستاندىق مما فايتەرٸ قۋات حاميتوۆ اتىراۋدا تٷسٸرٸلگەن داۋلى ۆيدەودان كەيٸن ەكٸمشٸلٸك جاۋاپكەرشٸلٸككە تارتىلدى. پوليتسەيلەر سپورتشىنى جەنە ۆيدەوعا قاتىسقان ٶزگە ادامداردى جول قوزعالىسى ەرەجەلەرٸن ٶرەسكەل بۇزعانى ٷشٸن ايىپپۇل سالعان, دەپ حابارلايدى dalanews.kz.
ەلەۋمەتتٸك جەلٸ قولدانۋشىلارىنىڭ نارازىلىعىن تۋدىرعان كادرلار Instagram جەلٸسٸندەگٸ afishi_atyrau پاراقشاسىندا جارييالانعان. ۆيدەودا قىزدىڭ ەبٸلقايىر حان داڭعىلىمەن قوزعالىپ كەلە جاتقان كٶلٸكتٸڭ تەرەزەسٸنەن دەنەسٸن شىعارىپ, فايتەرمەن امانداسقانى كٶرٸنەدٸ. ال قۋات حاميتوۆ كٶلٸكتٸ قاۋٸپسٸزدٸك بەلدٸگٸن تاقپاي باسقارعان.
روليك 23 مامىر كٷنٸ ٶتەتٸن Batyr Fighting Championship تۋرنيرٸنٸڭ جارناماسى رەتٸندە تٷسٸرٸلگەن. اتالعان تۋرنيردە قۋات حاميتوۆ يراندىق الي حەيباتيمەن جەكپە-جەك ٶتكٸزۋٸ تيٸس. الايدا جەلٸ قولدانۋشىلارى مۇنداي «كرەاتيۆتٸ» قولداماي, جول ەرەجەسٸن بۇزعانداردى جازالاۋدى تالاپ ەتكەن.
اتىراۋ وبلىستىق پوليتسييا دەپارتامەنتٸنٸڭ باسپاسٶز قىزمەتٸ ەلەۋمەتتٸك جەلٸدەگٸ جارييالانىمعا بايلانىستى تەكسەرۋ جٷرگٸزٸلگەنٸن حابارلادى.
تەكسەرۋ نەتيجەسٸندە Toyota Camry كٶلٸگٸندەگٸ 24 جەنە 22 جاستاعى جولاۋشىلار قاۋٸپسٸزدٸك بەلدٸگٸن تاقپاعانى جەنە كٶلٸك سالونىنان دەنەسٸن شىعارعانى ٷشٸن جاۋاپكەرشٸلٸككە تارتىلعان. سونىمەن قاتار اتالعان كٶلٸكتٸ باسقارعان 20 جاستاعى جٷرگٸزۋشٸگە دە ەكٸمشٸلٸك شارا قولدانىلعان.
ەكٸمشٸلٸك جاۋاپكەرشٸلٸككە 38 جاستاعى قۋات حاميتوۆ تا تارتىلدى. ول Mustang ماركالى قىمبات كٶلٸكتٸ قاۋٸپسٸزدٸك بەلدٸگٸن تاقپاي باسقارعان.
سونداي-اق Mustang اۆتوكٶلٸگٸنٸڭ 38 جاستاعى جٷرگٸزۋشٸسٸ قاۋٸپسٸزدٸك بەلدٸگٸن تاقپاي كٶلٸك باسقارعانى ٷشٸن ەكٸمشٸلٸك جاۋاپكەرشٸلٸككە تارتىلدى, – دەپ حابارلادى پوليتسييا دەپارتامەنتٸنٸڭ باسپاسٶز قىزمەتٸ.
تەرتٸپ ساقشىلارى بارلىق جٷرگٸزۋشٸ مەن جولاۋشىنى جول قوزعالىسى ەرەجەلەرٸن قاتاڭ ساقتاۋعا شاقىرىپ, زاڭ بۇزۋشىلىق ٷشٸن جازا مٸندەتتٸ تٷردە قولدانىلاتىنىن ەسكەرتتٸ.
