كەز كەلگەن ٸرگەلٸ مەكەمەدە ەڭبەك داۋى بولاتىنى – زاڭدىلىق. بٸراق ونىڭ ساياسيلانىپ كەتۋٸ جۇمىس بەرۋشٸ مەن مەملەكەت ٷشٸن – ٷلكەن سىن.
وسىدان بٸرشاما ۋاقىت بۇرىن «قازاقستان تەمٸر جولى» ۇلتتىق كومپانيياسىنا قاراستى پچ-12 بەينەۋ جول ديستانتسيياسى تەمٸرجول قىزمەتكەرلەرٸ ايلىقتارىنىڭ ازدىعىن ايتىپ, كومپانييا باسشىلىعىنا تالابىن اشىق قويعانىن ەستٸدٸك.
دامىعان ەلدەردە قاراپايىم ەڭبەك ادامدارىنىڭ جۇمىس بەرۋشٸلەرٸنە تالاپ قويىپ, ورتاق مەمٸلەگە كەلۋٸ قالىپتى دٷنيە بولىپ سانالادى. ەدەتتە ەڭبەك ادامدارى مەن جۇمىس بەرۋشٸلەر اراسىنداعى داۋ-دامايلاردى كەسٸپوداق ۇيىمدارى وڭ باعىتتا شەشۋگە كٷش سالاتىنىن بٸلەمٸز.
بٸراق بٸزدٸڭ ەلدە كەسٸپوداق ونداي ىقپالدى ۇيىم ەمەس. سوندىقتان جۇمىسشىلار ٶز تالاپتارىن اشىق قويىپ جاتادى.
سول سيياقتى بەينەۋلٸك تەمٸرجولشىلار ٶز تالاپتارىن قتج باسشىلىعىنا اشىق قويىپ, سوت ورىندارىنا جٷگٸنٸپ, تاراپتار ورتاق كەلٸسٸمگە كەلٸپتٸ.
بٷگٸن ەرەۋٸلدەتكەن تەمٸرجولشىلار سوت ورىندارى ارقىلى قابىلداعان ورتاق شەشٸمگە ريزا بولىپ, جۇمىستارىنا قايتا كٸرٸسكەنٸن ايتىپ ۆيدەو ٷندەۋٸن جارييالادى. سونىمەن قاتار تەمٸرجولشىلار قانداي دا بٸر ساياسي ماقسات كٶزدەگەن بەلسەندٸ توپتاردىڭ وسى وقيعانى پايدالانىپ كەتۋٸنە تٷبەگەيلٸ قارسى ەكەندەرٸن اشىپ ايتتى.
جالپى, ماڭعىستاۋ ٶڭٸرٸندە ەڭبەك داۋلارى جيٸ ورىن الىپ, ونىڭ سوڭى ساياسيلانىپ كەتەتٸنٸ جاسىرىن ەمەس. قاراپايىم ەڭبەك ادامىنا مەسەلەنٸڭ بۇلايشا ۋشىعۋى قاجەت ەمەس. الداعى ۋاقىتتا كەز كەلگەن ەڭبەك داۋىنىڭ سوڭى وسىلاي تاراپتاردىڭ كەلٸسٸمگە كەلۋٸمەن اياقتالۋى تيٸس دەپ ەسەپتەيمٸز. بۇل جاعداي ەلٸمٸزدەگٸ جەكەلەگەن كومپانييالارعا, قاراپايىم ەڭبەك ادامدارىنا دا ساباق بولاتىن جاعدايات دەپ ەسەپتەيمٸز.
