قونايەۆ قالاسىندا رەسپۋبليكالىق «تازا قازاقستان» ەكوناۋقانى جالعاسۋدا. ناۋقان اياسىندا قالانى قوقىستان تازارتۋ جۇمىستارى قارقىندى جۇرۋدە، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇكش ءبولىمىنىڭ مالىمەتىنشە، اپتاسىنا قالادان 600 توننا قاتتى قالدىقتار شىعارىلعان.
– شومىلۋ ماۋسىمىنىڭ باستالۋىنا بايلانىستى قالادا تۋريستەر اعىنى وتە كوپ. بارلىق كۇشتى جاعاجايلاردى تازالاۋعا جۇمساپ جاتىرمىز. مىسالى، قالالىق №7 جاعاجايدىڭ وزىندە 59 قوقىس جاشىگى ورناتىلعان. كۇنىنە 90 توننا قالدىق شىعارىلادى. ال قالانىڭ ىشىنەن كۇندەلىكتى 10-12 توننا قوقىس جينالادى، – دەدى تۇكش ءبولىمى باسشىسىنىڭ ورىنباسارى اسحات جەكسەنبەك.
سونداي-اق، ساياباقتار مەن سكۆەرلەر دە ۇنەمى تازالانۋدا. وتكەن اپتادا ءبىر كۇننىڭ ىشىندە 12 شاقىرىم ارىق تازارتىلعان. قوسىمشا اعاشتاردى سانيتارلى كەسۋ جۇمىستارى جۇرۋدە. تازالىققا كۇندەلىكتى 120 ادام، 14 تەحنيكا جۇمىلدىرىلىپ جاتىر.
