تٷركٸستان وبلىسىندا 2 ميلليوننان استام حالىق تۇرادى. اۋا رايى جىلىنعان سايىن ٶڭٸرگە كەلەتٸن تۋريستەر مەن تاۋدا دەمالۋشىلاردىڭ سانى ارتادى. ستاتيستيكالىق دەرەكتەرگە سٷيەنسەك, جىل سايىن وبلىسقا كەلەتٸن تۋريستەر مەن دەمالۋشىلاردىڭ سانى 1 ملن ادامعا جەتەدٸ. ونىڭ ٸشٸندە تاۋ بٶكتەرٸنە باراتىنداردىڭ باسىم بٶلٸگٸ ٶڭٸردەگٸ ەڭ ەسەم تابيعاتىمەن ەرەكشەلەنەتٸن سايرام-ٶگەم مەملەكەتتٸك ۇلتتىق تابيعي پاركٸندە تىنىعادى.
الايدا تاۋدا قاۋٸپسٸزدٸك ەرەجەلەرٸن ساقتاماعان الپينيستەر قيىن جاعدايعا تاپ بولادى. مۇنداي كەزدە ولارعا كٶمەككە تٷركٸستان وبلىسىنىڭ تٶتەنشە جاعدايلار دەپارتامەنتٸنٸڭ لەڭگٸر قالاسىندا, تٶلەبي اۋدانىندا ورنالاسقان جەدەل-قۇتقارۋ جاساعى شىعادى. قازٸرگٸ ۋاقىتتا جاساقتىڭ شتاتتىق سانى – 42 ادام, ونىڭ ٸشٸندە 34-ٸ قۇتقارۋشى, 4-ٸ سۋ قۇتقارۋشىسى, 4-ٸ كينولوگييالىق ەسەپتەگٸ ماماندار. رەسمي مەلٸمەت بويىنشا سوڭعى 5 جىلدا وبلىستىڭ تاۋلى ايماقتارىندا بارلىعى 37 ٸزدەستٸرۋ-قۇتقارۋ جۇمىستارى جٷرگٸزٸلگەن. سونىڭ نەتيجەسٸندە 128 ادام قۇتقارىلىپ, 11 ادامنىڭ مەيٸتٸ تابىلعان.
قايعىلى جاعدايلاردىڭ الدىن الۋ ماقساتىندا تٷركٸستان وبلىسىنىڭ تٶتەنشە جاعدايلار دەپارتامەنتٸ تاۋعا شىققىسى كەلەتٸن دەمالۋشىلارعا الداعى ۋاقىتتا قاجەتتٸ نۇسقاۋلىقتار بەرەدٸ:
تاۋلى ايماقتاعى باقىلاۋ-ٶتكٸزۋ پۋنكتتەرٸ بولعان جاعدايدا مٸندەتتٸ تٷردە تٸركەلۋ;
بارعان اۋماقتىڭ مارشرۋتتىق كارتاسىن ٶزٸمەن بٸرگە الىپ جٷرۋ;
ەرەكشە قورعالاتىن تابيعي اۋماقتارعا بارعاندا ۇيىمداستىرۋشىلاردىڭ نەمەسە گيدتەردٸڭ باستاماسىمەن بٸرگە جٷرۋ;
تاۋلى بەتكەيلەردە تەك ارنايى بەلگٸلەنگەن مارشرۋتتارمەن جٷرۋ;
ٶزدەرٸڭٸزبەن جەتكٸلٸكتٸ مٶلشەردە سۋ مەن كومپاس الۋ;
بەيتانىس مارشرۋتپەن ەشقاشان جول باستاۋشىسىز تاۋعا شىقپاۋ;
قىستا تاۋدا قار كٶشكٸنٸنەن, جازدا قۇلاپ كەتەتٸن تاستاردان ساق بولۋ;
ەگەر تاۋعا بٸرنەشە كٷنگە شىقساڭىز, تەۋلٸك بويى جۇمىس ٸستەيتٸن 112 قۇتقارۋ قىزمەتٸنە قوڭىراۋ شالۋدى ۇمىتپاڭىز.
تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ
