تاشكەنتتٸڭ ورتالىق كٶرمە زالىندا قازاق سۋرەتشٸسٸنٸڭ كٶرمەسٸ ٶتتٸ
ٶزبەكستان رەسپۋبليكاسىنىڭ استاناسى تاشكەنت قالاسىنداعى ورتالىق كٶرمە زالىندا بەلگٸلٸ سۋرەتشٸ, قر مەدەنيەت قايراتكەرٸ باتۋحان بايمەننٸڭ «Nomad's» اتتى جەكە كٶرمەسٸ ٶتتٸ! كٶرمەنٸڭ نەگٸزگٸ ماقساتى – ەكٸ باۋىرلاس ەلدەر اراسىنداعى مەدەني بايلانىستى نىعايتۋ, سونداي-اق كٶشپەندٸلەر تاريحىنان, تٷركٸلەر رۋحىنان سىر شەرتٸپ, رۋحاني ەسەر ەتۋ.
ٶزبەكستان ەلٸندە تۇڭعىش رەت جەكە كٶرمەسٸ ٶتٸپ جاتقان قازاق سۋرەتشٸسٸنٸڭ تۋىندىلارىن تاماشالاۋعا كەلگەن جۇرتتىڭ قاراسى قالىڭ. كٶرمەنٸڭ تۇساۋكەسەرٸنە ٶزبەكستان سۋرەتشٸلەر اكادەميياسىنىڭ تٶراعاسى اكمال نۋريدينوۆ, ٶزبەكستاننىڭ حالىق سۋرەتشٸسٸ لەكيم يبراگيموۆ سىندى ەسٸمدەرٸ التى الاشقا تانىمال قىل قالام شەبەرلەرٸ قاتىستى. سونداي-اق, قازاقستان سۋرەتشٸلەر وداعىنىڭ تٶراعاسى ٶمٸربەك جۇبانييازوۆ, قر مەملەكەتتٸك سىيلىعىنىڭ يەگەرٸ, سۋرەتشٸ ناسىر رٷستەموۆ, تٷركٸستان وبلىسى سۋرەتشٸلەر وداعىنىڭ تٶراعاسى نۇرلان شيلٸباەۆ, تٷركٸستان وبلىستىق كٶركەمسۋرەت گالەرەياسىنىڭ ديرەكتورى اينابەك وسپانوۆ سىندى ٶنەر مايتالماندارى مەن ٶنەرسٷيەر قاۋىم ٶكٸلدەرٸ كەلدٸ.
1500 شارشى مەترلٸك زالدا سۋرەتشٸنٸڭ 150-گە جۋىق تۋىندىسى قويىلعان. ەرەكشەلٸگٸ – گرافيكالار ٷلكەن كٶلەمدە سالىنعان. بۇل لينوگراۆيۋرا سالاسىنداعى تىڭ جاڭالىقتىڭ بٸرٸ دەۋگە بولادى. كٶرمەدە سۋرەتشٸنٸڭ "اۋىلىم التىن بەسٸگٸم", "ابىلاي حاننىڭ تٷسٸ", "كٶشپەندٸلەر", "تٷركٸلەر" جەنە اباي مەن شىڭعىس ايتماتوۆتىڭ شىعارمالارىنا توپتاما سىندى بٸرنەشە سەريالار توپتاستىرىلعان.
تاشكەنت قالاسىنىڭ ورتالىق كٶرمە زالىندا ٶتكەن شارادا سۋرەتشٸ باتۋحان بايمەن ٶزبەكستان سۋرەتشٸلەر اكادەميياسىنىڭ «باۋىرلاس ەلدەر اراسىنداعى دوستىقتى نىعايتقانى ٷشٸن», تٷركٸستان وبلىستىق قۇرمەت ۇيىمىنىڭ مەدالدارىمەن ماراپاتتالدى. اتالعان كٶرمە تاشكەنت قالاسىندا 27 قىركٷيەكتە دەيٸن جالعاساتىن بولادى.
