تارباعاتايدا ەڭ تازا اۋىلعا 10 ملن تەڭگە سىياقى تاعايىندالدى

Dalanews 09 ءساۋ. 2024 20:58 1672

شىعىس وڭىرىندەگى تارباعاتاي اۋدانى «تازا قازاقستان» دەپ اتالعان رەسپۋبليكالىق ەكولوگيالىق اكسياعا بەلسەنە قاتىسىپ جاتىر.

اۋدان باسشىسى ەڭ تازا اۋىلعا 10 ميلليون تەڭگە مولشەرىندە سىياقى بەرمەك، دەپ حابارلايدى Dalanews.kz.

سونداي-اق ەكولوگيالىق اكسيا قورىتىندىسى بويىنشا «ەڭ تازا كوشە» جانە «ەڭ ۇلگىلى اۋلا» اتالىمىنىڭ يەگەرلەرى انىقتالادى. 

«اۋىلدىق وكرۋگ اكىمدەرىنە تۇرعىندار مەن ەرىكتىلەردى ۇيىستىرا وتىرىپ «تازا قازاقستان» اكسياسى اياسىندا ەلدى-مەكەندەردى، كوشەلەردى، ساياباقتارى مەن الاڭداردى، جايىلىمداردى تازالاپ، وزەن-كولدەردىڭ جاعالاۋىنا سەنبىلىكتەر ۇيىمداستىرۋ جونىندە تاپسىرما بەرىلگەن. ۇيلەرىنىڭ قاسبەتىن  اكتەپ، سىرتقى  قاقپاسى مەن قورشاۋىن ءتۇزۋ ورناتقان، سىرلاعان، ارىقتاردىڭ جيەگىن ءتۇزۋ تارتقان، كوشەلەرى تازالاپ، كۇل-قوقىستى شىعارعان،  اعاشتاردىڭ ءتۇبىن اكتەگەن،  گۇلدەر وتىرعىزىپ اۋلانى اسەمدەگەن اۋىل تۇرعىندارىنىڭ 10 ميلليون تەڭگە ۇتىپ الىپ، قاراجاتتى  اۋىلدى اباتتاندىرۋعا  مۇمكىندىكتەرى بار»، - دەپ جازىلعان اۋدانى اكىمدىگى رەسمي پاراقشاسىندا.

ۇسىنىلعان
سوڭعى جاڭالىقتار