Shyǵys óńirindegi Tarbaǵatai aýdany «Taza Qazaqstan» dep atalǵan respýblikalyq ekologiialyq aktsiiaǵa belsene qatysyp jatyr.
Aýdan basshysy eń taza aýylǵa 10 million teńge mólsherinde syiaqy bermek, dep habarlaidy Dalanews.kz.
Sondai-aq ekologiialyq aktsiia qorytyndysy boiynsha «Eń taza kóshe» jáne «Eń úlgili aýla» atalymynyń iegerleri anyqtalady.
«Aýyldyq okrýg ákimderine turǵyndar men eriktilerdi uiystyra otyryp «Taza Qazaqstan» aktsiiasy aiasynda eldi-mekenderdi, kóshelerdi, saiabaqtary men alańdardy, jaiylymdardy tazalap, ózen-kólderdiń jaǵalaýyna senbilikter uiymdastyrý jóninde tapsyrma berilgen. Úileriniń qasbetin áktep, syrtqy qaqpasy men qorshaýyn túzý ornatqan, syrlaǵan, aryqtardyń jiegin túzý tartqan, kósheleri tazalap, kúl-qoqysty shyǵarǵan, aǵashtardyń túbin áktegen, gúlder otyrǵyzyp aýlany ásemdegen aýyl turǵyndarynyń 10 million teńge utyp alyp, qarajatty aýyldy abattandyrýǵa múmkindikteri bar», - dep jazylǵan aýdany ákimdigi resmi paraqshasynda.
