«تاڭبالى تاستار – بابالار ٸزٸمەن» ەكسپەديتسيياسى ٶتتٸ
مەملەكەت باسشىسىنىڭ "بولاشاققا باعدار: رۋحاني جاڭعىرۋ" باعدارلامالىق ماقالاسى اياسىندا تٷركٸستان وبلىسىندا "تاڭبالى تاستار – بابالار ٸزٸمەن" اتتى ەكسپەديتسييا ۇيىمداستىرىلدى.
جوبانىڭ ماقساتى – قازاقستاننىڭ كيەلٸ جەرلەرٸنە ەنگەن ٶڭٸردەگٸ 24 نىساندى تانىستىرۋ ەرٸ كيەلٸ ٶڭٸردٸڭ باي تاريحى مەن تاڭبالى تاستارىن ناسيحاتتاۋ. سونىمەن قاتار, ٶڭٸرگە كەلەتٸن قوناقتار ٷشٸن جاڭا تۋريستٸك باعىتتاردى قالىپتاستىرۋ.
تٷركٸستان وبلىسى ٸشكٸ ساياسات باسقارماسىنىڭ ۇيىتقى بولۋىمەن ٶتكەن تۋر بەيدٸبەك, سوزاق اۋداندارى مەن كەنتاۋ قالاسىن قامتىدى. اتاپ ايتقاندا, ەكٸ كٷنگە سوزىلعان ەكسپەديتسييا بارىسىندا جوباعا قاتىسۋشىلار بەيدٸبەك اۋدانىنداعى بورالداي پەتروگليفتەرٸ مەن اقمەشٸت ٷڭگٸرٸنە, سوزاق اۋدانىنداعى ىسقاق باب كەسەنەسٸ مەن ارپاٶزەن پەتروگليفتەرٸنە, سوزاق كٶنە قالاسى مەن قارابۋرا كەسەنەسٸنە, سونداي-اق كەنتاۋ قالالىق ٶلكەتانۋ مۋزەيٸ باعىتتارى بويىنشا تاريحي جەرلەردٸ ارالادى.
جەرگٸلٸكتٸ ٶلكەتانۋشىلاردىڭ ايتۋىنشا, تٷركٸستان وبلىسىندا 3 مىڭنان اسا پەتروگليفتەر بار. باسىم كٶپشٸلٸگٸ ساق دەۋٸرٸنٸڭ جەدٸگەرلەرٸ. تاستاعى تاڭبالاردا كٶبٸنە كٶشپەلٸلەردٸڭ تۇرمىس-سالتى بەينەلەنگەن.
مۇنداي ەكسپەديتسييالاردىڭ ۇيىمداستىرىلۋى بابالاردان قالعان تاريحي باعا جەتپەس مۇرالاردى كٶزدٸڭ قاراشىعىنداي ساقتاپ, كەيٸنگٸ ۇرپاققا جەتكٸزۋگە زور مٷمكٸندٸك بەرمەك.
تٷركٸستان وبلىسى ەكٸمٸنٸڭ باسپاسٶز قىزمەتٸ
