باس پروكۋروردىڭ ورىنباسارى اسەت شىندالييەۆ استاناداعى LRT قۇرىلىسى كەزىندە قارجى جىمقىردى دەگەن ايىپپەن سوتتالعانداردى قۇقىق قورعاۋ ورگاندارى نەگە قازاقستانعا قايتارا المايتىنىن تۇسىندىرۋگە تىرىستى، دەپ حابارلايدى Dalanews.kz Ulysmedia.kz-كە سىلتەپ.
شەنەۋنىكتىڭ مالىمەتىنشە، ينتەرپول «استانا LRT» جاۋاپكەرشىلىگى شەكتەۋلى سەرىكتەستىگىنىڭ بۇرىنعى باسقارما ءتوراعاسى تالعات اردان مەن استانا اكىمىنىڭ بۇرىنعى ورىنباسارى قانات سۇلتانبەكوۆتى ىزدەستىرىپ جاتىر.
- ىزدەۋدىڭ بىرنەشە ءتۇرى بار. ءبىزدىڭ قۇقىق قورعاۋ ورگاندارىمىز كوبىنە مەملەكەتتىك ىشىندەگى ىزدەۋ جۇمىستارىمەن اينالىسادى. ال حالىقارالىق ىزدەۋمەن ينتەرپول اينالىسادى. ءبىز سايكەسىنشە ينتەرپولعا تاپسىرما بەرەمىز، ولار سونىمەن اينالىسادى، دەيدى شىندالييەۆ.
ونىڭ سوزىنشە، ينتەرپول ازىرگە سىرتتاي سوتتالعاندار قاي ەلدەردە ەكەنىن انىقتاي العان جوق، سوندىقتان ولاردى قازاقستانعا ەكستراديسيالاۋ مۇمكىن بولماي وتىر. جۋرناليستەر تالعات اردان مەن قانات سۇلتانبەكوۆتىڭ الەۋمەتتىك جەلىدە بەينەروليكتەر جاريالاپ جاتقانىن اتاپ ءوتتى.
- ەكستراديسيالاۋ ءۇشىن ينتەرپول ول ادامداردىڭ ناقتى قايدا جۇرگەنىن انىقتاۋى كەرەك. سودان كەيىن ەكستراديسيالىق قاماۋعا الۋىمىز مۇمكىن. ازىرگە ينتەرپول تاراپىنان ولاردىڭ قايدا جۇرگەنى تۋرالى ناقتى اقپارات جوق، دەيدى باس پروكۋروردىڭ ورىنباسارى.
