تالعاردا 16 جاستاعى شەرزاتتى اجال قۇشتىرعان ٷش كٷدٸكتٸگە قاتىستى 8 ٸس انىقتالدى, دەپ حابارلايدى Dalanews.kz Qaz365.kz-كە سٸلتەپ.
ولار - نۇرقيياس يلياسوۆ, راۆيل ساكيەۆ جەنە ابزال شىناسىل.
2019 ج. نۇرقياس ٸليياسوۆ پەن د.قالعۇلوۆ اراسىندا جانجال شىققان. ارداق نۇرجۇمانوۆ قالعۇلوۆتى ۇرىپ ٶلتٸرگەن. ارداق 8 جىلعا سوتتالدى;
2020 ج. نۇرقياس تالعاردا ەسبول ەرەجەپوۆ, باقىت اۋعانبەك جەنە راحات اقكٶزەنوۆتٸ ٶلتٸرگەن. ٸس تاتۋلاسۋدان سوڭ جابىلعان;
2020 ج. "ۆەراندا" دەمحاناسىندا ٸليياسوۆ پەن راۆيل ساكيەۆ دياس حابيتۇلىن ۇرعان. ٸليياسوۆ 3 جىل, ساكيەۆ 2 جىل 6 ايعا شارتتى تٷردە سوتتالعان;
2023 ج. نۇرقياس پەن ەرنۇر ٸليياسوۆ ابزال شىناسىلمەن بٸرگە ا.ماناپتى ۇرعان. سوسىن "حان" بارىندا ٸليياسوۆ ر. ترۋسپەكوۆكە جەڭٸل دەنە جاراقاتىن سالعان. ەكٸ ٸس تاتۋلاسۋمەن اياقتالعان;
2023 جىلى قىركٷيەكتە نۇرقياس ٸليياسوۆ م.سٷلەيمەنوۆقا دەنە جاراقاتىن سالعان. تاتۋلاسۋمەن اياقتالعان;
2023 جىلى جەلتوقساندا "سكازكي" كافەسٸندە ەرنۇر ٸليياسوۆ م.كاچاكبايدى پىشاقتاعان. ولارعا پروباتسييالىق باقىلاۋ ورناتىلان;
2024 ج.نۇرقيياس پەن ەرنۇر ٸليياسوۆ بۇزاقىلىق بويىنشا باس بوستاندىعىنان شەكتەلگەن.
ەسكە سالايىق, بۇعان دەيٸن تالعاردا 16 جاستاعى شەرزاتتى ٶلتٸردٸ دەپ ايىپتالىپ جاتقان كٷدٸكتٸلەردٸڭ سۋرەتٸ ەلەۋمەتتٸك جەلٸدە جاپپاي تارالىپ كەتٸپ ەدٸ.
QirSabyn تەلەگرام ارناسى بٸرنەشە كٷدٸكتٸنٸڭ سۋرەتٸ مەن ولاردىڭ ەسٸمٸن جارييالاعان. دەرەككٶزدٸڭ مەلٸمەتٸنشە, كٷدٸكتەلەر 1993, 1998 جەنە 2000 جىلعى ازاماتتار. ولاردىڭ ەكەۋٸ بۇرىن سوتتالعان.
“بٸر بٶتەلكە سىرا ٷشٸن شەرزاتتى ٶلتٸرگەن قىلمىسكەرلەردٸڭ بەت-بەينەسٸ - وسى. بٷكٸل ەل 16 جاستاعى شەرزاتتىڭ قازاسىن ەستٸپ, شۋلاپ جاتىر. مٸنە, وسى 13 ەرەسەك ادام مارقۇم شەرزاتتىڭ ەكەسٸن ۇرىپ, اعاسىن پىشاقتاپ كەتكەن. ال اناسى وسى سەتتٸڭ كۋەسٸ بولدى. بالاسىنىڭ جاۋىزدىقپەن اجال قۇشقانىن ٶز كٶزٸمەن كٶردٸ. ونىڭ قانداي كٷيدە بولعانىن سٶزبەن جەتكٸزۋ مٷمكٸن ەمەس”, - دەيدٸ QirSabyn تەلەگرام ارناسى.
