Talǵarda 16 jastaǵy Sherzatty ajal qushtyrǵan úsh kúdiktige qatysty 8 is anyqtaldy, dep habarlaidy Dalanews.kz Qaz365.kz-ke siltep.
Olar - Nurqiias Iliasov, Ravil Sakiev jáne Abzal Shynasyl.
2019 j. Nurqias Iliiasov pen D.Qalǵulov arasynda janjal shyqqan. Ardaq Nurjumanov Qalǵulovty uryp óltirgen. Ardaq 8 jylǵa sottaldy;
2020 j. Nurqias Talǵarda Esbol Erejepov, Baqyt Aýǵanbek jáne Rahat Aqkózenovti óltirgen. Is tatýlasýdan soń jabylǵan;
2020 j. "Veranda" dámhanasynda Iliiasov pen Ravil Sakiev Dias Habitulyn urǵan. Iliiasov 3 jyl, Sakiev 2 jyl 6 aiǵa shartty túrde sottalǵan;
2023 j. Nurqias pen Ernur Iliiasov Abzal Shynasylmen birge A.Manapty urǵan. Sosyn "Han" barynda Iliiasov R. Trýspekovke jeńil dene jaraqatyn salǵan. Eki is tatýlasýmen aiaqtalǵan;
2023 jyly qyrkúiekte Nurqias Iliiasov M.Súleimenovqa dene jaraqatyn salǵan. Tatýlasýmen aiaqtalǵan;
2023 jyly jeltoqsanda "Skazki" kafesinde Ernur Iliiasov M.Kachakbaidy pyshaqtaǵan. Olarǵa probatsiialyq baqylaý ornatylan;
2024 j.Nurqiias pen Ernur Iliiasov buzaqylyq boiynsha bas bostandyǵynan shektelgen.
Eske salaiyq, buǵan deiin Talǵarda 16 jastaǵy Sherzatty óltirdi dep aiyptalyp jatqan kúdiktilerdiń sýreti áleýmettik jelide jappai taralyp ketip edi.
QirSabyn telegram arnasy birneshe kúdiktiniń sýreti men olardyń esimin jariialaǵan. Derekkózdiń málimetinshe, kúdikteler 1993, 1998 jáne 2000 jylǵy azamattar. Olardyń ekeýi buryn sottalǵan.
“Bir bótelke syra úshin Sherzatty óltirgen qylmyskerlerdiń bet-beinesi - osy. Búkil el 16 jastaǵy Sherzattyń qazasyn estip, shýlap jatyr. Mine, osy 13 eresek adam marqum Sherzattyń ákesin uryp, aǵasyn pyshaqtap ketken. Al anasy osy sáttiń kýási boldy. Balasynyń jaýyzdyqpen ajal qushqanyn óz kózimen kórdi. Onyń qandai kúide bolǵanyn sózben jetkizý múmkin emes”, - deidi QirSabyn telegram arnasy.
