تالعار قالاسىندا قىز زورلادى دەگەن كۇدىككە ءىلىنىپ، تەرگەۋ يزولياتورىنان قاشىپ كەتكەن ادام ۇستالدى، - دەپ حابارلايدى Dalanews.kz ءتىلشىسى.
جەدەل-ىزدەستىرۋ ءىس-شارالارى ناتيجەسىندە 21 قازاندا ۋاقىتشا ۇستاۋ يزولياتورىنان قاشقان كۇدىكتى تەرەڭقارا اۋىلىنىڭ شەتىندە ۇستالدى.
ىزدەستىرۋ جۇمىستارى باستالعان ساتتەن باستاپ پوليسيانىڭ بارلىق كۇشتەرى جۇمىلدىرىلدى، سونداي-اق ىزدەۋ شارالارىنا قوعامدىق كومەكشىلەر، ەرىكتىلەر مەن وبلىس تۇرعىندارى تاراپىنان قۇرىلعان ەرىكتى جاساقتار بەلسەندى تۇردە اتسالىستى.
كۇدىكتى قايتادان ۋاقىتشا ۇستاۋ يزولياتورىنا قامالدى. وعان جاسالعان نەگىزگى قىلمىسقا قوسىمشا قاماۋدان قاشقانى ءۇشىن ايىپ تاعىلادى.
پوليسيا ىزدەۋ شارالارىنا قولداۋ كورسەتكەن بارلىق ازاماتتارعا العىس بىلدىرەدى.
ەسكە سالايىق، 21 قازاندا الماتى وبلىسىندا ۋاقىتشا ۇستاۋ يزولياتورىنان كۇدىكتى قاشقان بولاتىن. ونى ۇستاۋ ءۇشىن ارنايى "سيرەنا" جوسپارى ەنگىزىلدى.
"نەگىزگى باعىتتاردا باقىلاۋ-وتكىزۋ پۋنكتتەرى ورناتىلىپ، بارلىق كۇش پەن قاراجات قاشقىندى تاۋىپ، ۇستاۋعا باعىتتالعان. سونىمەن بىرگە قاشىپ كەتۋدىڭ ءمان-جايىن انىقتاۋ ءۇشىن قىزمەتتىك تەكسەرۋ تاعايىندالدى"، - دەپ حابارلادى الماتى وبلىستىق پوليسيا دەپارتامەنتى.
باسپا ءسوز قىزمەتى جاعداي وبلىستىق پوليسيا دەپارتامەنتى باسشىلىعىنىڭ باقىلاۋىندا ەكەنىن حابارلاعان بولاتىن.
