الماتى وبلىسىندا تالعار اۋداندىق پوليتسييا باسقارماسىنىڭ ەكٸ قىزمەتكەرٸ ۇستالدى. ولار دەمالىس ورنىنىڭ يەسٸنەن تەگٸن قىزمەت كٶرسەتۋدٸ تالاپ ەتكەن, دەپ حابارلايدى dalanews.kz.
اقپاراتقا سەيكەس, دەمالىس ورنىنىڭ اۋماعىندا بٸر ادام جاراقات العان. وسى وقيعا بويىنشا قىلمىستىق ٸس قوزعالىپ, كەيٸن قۇقىق بۇزۋشىلىق بەلگٸلەرٸ بولماعاندىقتان جابىلعان.
الايدا پوليتسييا قىزمەتكەرلەرٸ ٸستٸ توقتاتقانى ٷشٸن دەمالىس ورنىنا تەگٸن كٸرۋدٸ, مەيرامحانا قىزمەتٸن جەنە دەمالۋعا ارنالعان ٷيلەردٸ اقىسىز پايدالانۋدى تالاپ ەتكەن.
دەمالىس ورنىنىڭ ٶكٸلٸ 31 شٸلدەدە سىبايلاس جەمقورلىققا قارسى قىزمەتكە ارىزدانعان. 2 قىركٷيەكتە انتيكور مەن الماتى وبلىستىق پوليتسييا دەپارتامەنتٸنٸڭ ٶزٸندٸك قاۋٸپسٸزدٸك باسقارماسى كٷدٸكتٸ ەكٸ پوليتسەيدٸ ۇستادى.
ولاردىڭ جۇمىس ورىندارىندا تٸنتۋ جٷرگٸزٸلدٸ. قازٸر سوتقا دەيٸنگٸ تەرگەۋ جٷرٸپ جاتىر. ٶزگە اقپارات تەرگەۋ مٷددەسٸنە بايلانىستى جارييالانعان جوق.
