Almaty oblysynda Talǵar aýdandyq politsiia basqarmasynyń eki qyzmetkeri ustaldy. Olar demalys ornynyń iesinen tegin qyzmet kórsetýdi talap etken, dep habarlaidy dalanews.kz.
Aqparatqa sáikes, demalys ornynyń aýmaǵynda bir adam jaraqat alǵan. Osy oqiǵa boiynsha qylmystyq is qozǵalyp, keiin quqyq buzýshylyq belgileri bolmaǵandyqtan jabylǵan.
Alaida politsiia qyzmetkerleri isti toqtatqany úshin demalys ornyna tegin kirýdi, meiramhana qyzmetin jáne demalýǵa arnalǵan úilerdi aqysyz paidalanýdy talap etken.
Demalys ornynyń ókili 31 shildede Sybailas jemqorlyqqa qarsy qyzmetke aryzdanǵan. 2 qyrkúiekte Antikor men Almaty oblystyq politsiia departamentiniń Ózindik qaýipsizdik basqarmasy kúdikti eki politseidi ustady.
Olardyń jumys oryndarynda tintý júrgizildi. Qazir sotqa deiingi tergeý júrip jatyr. Ózge aqparat tergeý múddesine bailanysty jariialanǵan joq.
