تالدىقورعاندا «تاڭجارىق وقۋلارى» ٶتتٸ
فيلولوگييا عىلىمدارىنىڭ دوكتورى, پروفەسسور, تاڭجارىقتانۋشى عالىم, قوردىڭ عىلىمي كەڭەسشٸسٸ تەمٸرحان تەبەگەنوۆ, قوعام قايراتكەرٸ, قور كەڭەسشٸسٸ راحىم ايىپۇلى, بەلگٸلٸ ايتىسكەر اقىندار سەرٸك قاليەۆ, ەبدٸعاني بەزٸلحانۇلى, جۇماتاي وسپانۇلى قازىلىق ەتكەن بايقاۋدا قاتىسۋشىلار تاڭجارىق ٶلەڭدەرٸن مەنەرلەپ جاتقا وقۋدان جەنە اقىن ٶمٸرٸ مەن شىعارماشىلىعىنا قاتىستى سۇراقتارعا جاۋاپ بەرۋدەن جارىسقا تٷستٸ. جەڭٸمپازدار اقشالاي سىيلىققا قول جەتكٸزدٸ. باس جٷلدە مەن وعان بەلگٸلەنگەن 50 000 تەڭگەن ٸ(قور كەڭەسشٸسٸ, ەدەبيەت سىنشىسى ومارەلٸ ەدٸلبەكۇلى تاعايىنداعان) قىزپۋ-دىڭ ستۋدەنتٸ اقگٷل ايداربەكوۆا السا, 1-ورىندى تالدىقورعان پوليتەحنيكالىق كوللەدجٸنٸڭ ٸ كۋرس ستۋدەنتٸ جۇلدىز بەكمۇراتقىزى(40 000) يەلەندٸ. ال جٷلدەلٸ 2-ورىنداردى اباي اتىنداعى قازۇپۋ ستۋدەنتٸ سالتانات ەناپيياەۆا مەن قىزپۋ-دىڭ ستۋدەنتٸ ايجان مەلدەبەك ەنشٸلەدٸ. سونداي-اق, ەرقايسىسى 15 000 تەڭگەنٸ قۇرايتىن 3 جٷلدە جەتٸسۋ ۋنيۆەرسيتەتٸنەن قاتىسقان 3 ستۋدەنتكە بۇيىردى.
جاستاردىڭ تاڭجارىقتانۋعا دەگەن ىقىلاسى مەن پەيٸلٸ جوعارى, العان ەسەرٸ مەن تٷيگەن بٸلٸمٸ مول بولدى. وعان دەلەل, ماماندىعى باسقا تالدىقورعان پوليتەحنيكالىق كوللەدجٸنەن 10-عا تارتا ستۋدەنتتٸڭ اقىن ٶلەڭٸن جاتتاپ, ٶمٸرٸنە ٷڭٸلٸپ, اسا زور ىنتا تانىتۋى.
تٷستەن كەيٸن ٶتكەن ەدەبي-سازدى كەشتە بەلگٸلٸ ەنشٸ نۇرجان جانپەيٸسوۆ, سەۋلەجان تاقزييا, "امانات" توبى, ت.ب. ەنشٸلەر جەنە الماتى مەن جەتٸسۋلىق جاس اقىندار قاتىسىپ تاڭجارىقتىڭ ەندەرٸن ورىنداپ, اقىن رۋحىن اسقاقتاتىپ ايتىس جاسادى.
وسىلايشا, جىل ٶتكەن سايىن تاڭجارىق اقىنعا دەگەن جاستاردىڭ تانىمى, قۇرمەتٸ مەن زەرتتەپ-زەردەلەۋگە دەگەن قۇلشىنىسى ارتىپ, دەڭگەيٸ دە جوعارلاپ كەلەدٸ. بۇعان دەيٸن قاتارىنان 3 جىل بويى الماتىدا قالالىق دەڭگەيدە ٶتكەن "تاڭجارىق وقۋلارى" بيىل العاش رەت ايماقارالىق ەدەبي بەسەكەگە كٶتەرٸلدٸ.
جارقىن سەلەنۇلى, جۋرناليست
