تٶرتٸنشٸ جىل قاتارىنان ٶتكٸزٸلٸپ كەلەتٸن ەسكە الۋ شاراسىنىڭ بيىلعى فورماتى ٶمٸردە, ٶنەردە ٸزٸ قالعان جەتٸسۋدىڭ سەگٸز بٸردەي تارلانىنىڭ ٶمٸر جولى تۋراسىندا ٶربٸدٸ. تاعىلىمدى كەشتٸ اقىن جۇماتاي وسپانۇلى جٷرگٸزدٸ.
ەسكە الۋ شاراسىنىڭ شىمىلدىعى بالا جاسىنان جەتٸمدٸكتٸڭ شەكپەنٸن كيٸپ, التى جاسىندا شەشەك اۋرۋى زاردابىن تارتىپ, زاعيپ بولعان, عالامات دٷنيەنٸ كٶزٸمەن كٶرمەسە دە جٷرەگٸمەن سەزٸنٸپ ٶسكەن, 14 جاسىندا قازاقتىڭ قارا دومبىراسىن قولىنا الىپ, ٶتكٸر تٸلدٸ ايتىسكەر اتانعان, تٶكپە جىردىڭ قۇدٸرەتتٸ يەسٸ تەمٸرعالي رٷستەمبەكوۆتىڭ بالا كەزٸندە ەكە-شەشەسٸن ساعىنىپ جازعان ٶلەڭٸمەن اشىلدى. ارى قاراي حالىق اقىنىنىڭ ٶمٸر جولى تۋرالى وبلىستىق «جەتٸسۋ» تەلەارناسى دايىنداعان بەينەسيۋجەت كٶرسەتٸلدٸ. تٶكپە جىردىڭ قۇدٸرەتتٸ يەسٸ تۋرالى تٷسٸرٸلگەن بەينەباياننان سوڭ ورتاعا تۇلپاردىڭ تۇياعى, تەمەش اتامىزدىڭ قىزى, وبلىسىمىزدىڭ ارداگەر جۋرناليسٸ كٷنسايا وسپانوۆا شىعىپ, ەكەسٸ تۋرالى ورامدى ويلارىن ورتاعا سالدى.
مەدەنيەت سارايىنداعى ٶلەڭمەن ٶرنەكتەلگەن, ەۋەزدٸ ەنمەن تەربەلگەن, كەسەك سٶزبەن ەسپەتتەلگەن شارا ليريك اقىن, بٸرنەشە درامالىق شىعارمالار مەن داستانداردىڭ اۆتورى قۇداش مۇقاشتىڭ ٶمٸرٸمەن ٶرٸلدٸ. كيەلٸ ساحنا تٶرٸنە تالدىقورعاندىق ارشىن ايدىنبەكۇلى مەن گٷلنۇر تۇراروۆا شىعىپ, اقىن مەن ونىڭ جارى اقجولتاي اپانىڭ جاس كەزٸندەگٸ وبرازىن سومداعان شاعىن كٶرٸنٸس كٶرسەتتٸ.
ٶتكەن كٷندە بەلگٸ بار دەمەكشٸ, عالىمنىڭ حاتىنداي ٶمٸرشەڭ مۇرا قالدىرعان اقىننىڭ قولتاڭباسى بٷگٸن ٶتكەنٸنەن سىر شەرتە سايراپ تۇر. وسى تۇستا اقىن ٶمٸرٸن بٷگٸننەن تەرەڭ, كەشەدەي قانىق تاني تٷسۋدە ارنايى بەينەسيۋجەت تە تاماشالاندى.
اقىنىن ەسكە العان شارا بارىسىندا اقسۋ اۋداندىق حالىق تەاترى كۆينتەتٸ «اقسۋدان ۇشقان اققۋلار» ەنٸن ورىنداپ, كەشتٸ ودان ەرٸ جانداندىرا تٷستٸ.
ادام ۇرپاعىمەن باقىتتى دەگەن ەمەس پە?! تاعىلىمدى شاراعا ارنايى شاقىرتىلعان اقىننىڭ قىزى كەمەن قۇدايبەرگەنقىزى ساحنا تٶرٸنە شىعىپ, وسىنداي كەشتٸ ٶتكٸزۋگە ۇيىتقى بولعان تٸل باسقارماسى ۇجىمىنا جەنە جوبانىڭ نەگٸزگٸ اۆتورى اقىن احمەتبەك كەندٸربەكۇلىنا العىسىن بٸلدٸردٸ.
جەتٸسۋلىق تارلاندارعا ارنالعان كەشتە قازاق جۋرناليستيكاسىنىڭ قوس تارلانى باقىت ەلٸموۆ پەن رافات ەبدٸعۇلوۆتىڭ ٶمٸرٸ مەن شىعارماشىلىعى تۋرالى دا تاماشا ەستەلٸكتەر ايتىلدى. وسى تۇستا جٷرگٸزۋشٸ, اقىن جۇماتاي ەمٸرەەۆ قوناقتاردىڭ ەرقايسىسىنا كەيٸپكەردٸڭ بولمىسىن اشا تٷسەتٸن ساۋالدارىن قويدى. ساحنا تٶرٸنە شىققان باقىت ەلٸموۆتىڭ جارى جاھان اپامىز بەن رافات ەبدٸعۇلوۆتىڭ ٸنٸسٸ قايرات اعامىز ٶتكەن كٷندەردەن ەستەلٸك ايتىپ, وسىنداي كەشتٸ ۇيىمداستىرعان جاندارعا العىس ايتتى.
دەستٷرلٸ ٶتٸپ كەلەتٸن «تاعزىم» شاراسىنىڭ بيىلعى كەيٸپكەرلەرٸ تۋرالى دايىندالعان بەينەسيۋجەت تە ەركٸمنٸڭ جٷرەگٸن تەربەدٸ, كٶڭٸل پەرنەسٸن قوزعادى, جانارعا ەرٸكسٸز جاس ٷيٸردٸ.
ەستەلٸكتەر جىرتىلمايتىن كٸتاپتاي,
سىنبايتۇعىن بۇتاقتاي.
ەستەلٸكتٸڭ گٷلٸ قۋراپ سولمايدى,
بوياۋى دا وڭبايدى, - دەپ اقىن جىرلاعانداي, بۇل كەش بار ٶمٸرٸن تەلەارنا سالاسىنا ارناعان جەتٸسۋدىڭ ٷش بٸردەي تارلانى ەدٸل تٶكەنوۆ, ناتاليا بورسەنكو جەنە تۇرسىنبەك ىبىرايىمبەكۇلىنىڭ جٷرٸپ ٶتكەن پاراساتتى عۇمىرى تۋرالى تاماشا ەستەلٸكتەرمەن ٶرٸلدٸ. شارا بارىسىندا تارلانداردىڭ تۋىستارى ساحنا تٶرٸنە شىعىپ, لەبٸزدەرٸن ارنادى.
وسىدان كەيٸن تەكتٸ ٶنەردٸڭ تٶرەسٸن بويىنا سٸڭٸرٸپ ٶسكەن, ساحنانىڭ تەڭدەسٸ جوق شەبەرٸ اسان يساەۆ تۋرالى تاماشا بەينەسيۋجەت كٶرسەتٸلدٸ. اكتەردٸڭ جارى قارلىعاش يساەۆا جٷرەك تەبٸرەنتەرلٸك ويلارىمەن بٶلٸستٸ.
تاعىلىمدى شارادا الماتى وبلىسىنىڭ تٸلدەردٸ دامىتۋ جٶنٸندەگٸ باسقارماسىنىڭ باسشىسى ايدار باشباەۆ سٶز الدى.
«ۇلتىمىزدىڭ رۋحاني, مەدەني مۇراسى – سٶز ٶنەرٸنٸڭ اسىل قازىناسىنا ٶلشەۋسٸز ٷلەس قوسقان جەتٸسۋ ٶلكەسٸنٸڭ مەدەنيەت جەنە ەدەبيەت سالاسىنىڭ قايراتكەرلەرٸنە قۇرمەت كٶرسەتۋ – بٸزدٸڭ پارىز. وسىدان تٶرت جىل بۇرىن اقىن اعامىز احمەتبەك كەندٸربەكۇلىنىڭ باستاماسىمەن قولعا الىنعان «تاعزىم» شاراسى دەستٷرگە اينالىپ, بٷگٸنگە دەيٸن جالعاسىن تاۋىپ كەلەدٸ. جاقسىنىڭ جاقسىلىعىن ايت, نۇرى تاسىسىن» دەمەكشٸ, جوبا اۆتورىنا شەكسٸز ريزاشىلىعىمىزدى بٸلدٸرەمٸز», - دەي كەلە, مەڭگٸلٸككە باعىت ۇستانعان قازاق ەلٸ باردا ارىستاي ازاماتتاردىڭ ەسٸمٸ ەل ەسٸندە ساقتالاتىنىن ايتتى.
شارا بارىسىندا تٸل باسقارماسى اتىنان «تاۋ تۇلعانىڭ جارقىن بەينەسٸ تٶرٸڭٸزدە تۇرسىن» دەگەن نيەتپەن كەيٸپكەرلەردٸڭ قىلقالاممەن سالىنعان سۋرەتٸ تۋىستارىنا تارتۋ ەتٸلدٸ.
وسى ۋاقىتقا دەيٸن «تاعزىم» شاراسىنىڭ شىمىلدىق جابار ٶز ەنۇرانى بولعان. بيىلعى شارادا ارنايى جازىلعان «تاعزىم» اتتى ەننٸڭ تۇساۋى كەسٸلدٸ. كەشتە داناگٷل بەرەكەتتٸڭ سٶزٸنە, كومپوزيتور گٷلنۇر نۇراسىلوۆانىڭ ەۋەنٸنە جازىلعان ەن اۆتوردىڭ ٶز ورىنداۋىندا شىرقالدى.
