اۋىل شارۋاشىلىعى ءمينيسترى ايداربەك ساپاروۆ قازاقستانداعى سيىر ەتىنىڭ ىشكى جانە ەكسپورتتاعى باعاسىن اتادى، دەپ حابارلايدى Dalanews.kz.
ءمينيستردىڭ ايتۋىنشا، قازىرگى ۋاقىتتا ىشكى نارىقتا ءىرى قارا مالدىڭ كيلوگرامى 1،6–1،8 مىڭ تەڭگە ارالىعىندا ساتىلىپ جاتىر. بۇرىن بۇل كورسەتكىش 2 مىڭ تەڭگەگە دەيىن كوتەرىلگەن ەدى، ال ءقازىر ورتاشا باعا شامامەن 1،7 مىڭ تەڭگە دەڭگەيىندە قالىپتاسقان.
ونىڭ سوزىنشە، ىشكى نارىقتاعى كوتەرمە قۇن كيلوگرامىنا شامامەن 3–4 مىڭ تەڭگەنى قۇرايدى.
سونىمەن قاتار ساپاروۆ مال شارۋاشىلىعىن جەدەل دامىتۋ ءۇشىن فەرمەرلەر ەكسپورتتىق باعا الدەقايدا جوعارى بولۋى كەرەك دەپ ەسەپتەيتىنىن ايتتى. اگرارشىلاردىڭ پىكىرىنشە، ءتيىمدى ەكسپورتتىق باعا كيلوگرامىنا 10–12 مىڭ تەڭگە دەڭگەيىندە بولۋى ءتيىس.
الايدا ءمينيستردىڭ مالىمەتىنشە، قازىرگى ناقتى ەكسپورتتىق باعا ەتتىڭ ساناتى مەن مالدىڭ قوڭدىلىعىنا قاراي 4،5 مىڭنان 6 مىڭ تەڭگەگە دەيىن وزگەرىپ وتىر.
