قازاقستاندا سۋ ايدىندارىندا قازا تاپقانداردىڭ سانى كۇننەن-كۇنگە وسۋدە. الايدا بالالار ءولىمىنىڭ كۇرت ءوسۋى ۇلكەن الاڭداۋشىلىق تۋدىرادى.

‼️جازاتايىم وقيعالار دەمالىس كۇندەرى ءجيى كەزدەسەدى. قاۋىپسىزدىك ەرەجەلەرىن ەلەمەۋ، جابدىقتالماعان جەرلەردە شومىلۋ جانە بالالاردى نازاردان تىس قالدىرۋ كوبىنەسە قايعىلى جاعدايعا اكەلۋدە. ماسەلەن، شومىلۋ ماۋسىمى باستالعاننان بەرى 85 ادام، ونىڭ ىشىندە 35 بالا سۋعا باتىپ كەتتى.

تجم قازاقستاندىقتاردى سۋداعى قاۋىپسىزدىك ەرەجەلەرىن ساقتاۋعا شاقىرادى. بۇل ەرەجەلەرمەن ءسىز مينيسترلىكتىڭ رەسمي سايتىندا تانىسا الاسىز.
تىيىم سالىنعان جەرلەردە شومىلۋ ومىرگە ءقاۋىپ ءتوندىرىپ قانا قويماي، ايىپپۇل تۇرىندە اكىمشىلىك جاۋاپكەرشىلىككە اكەلەدى. تەك اكىمشىلىك قۇقىق بۇزۋشىلىق تۋرالى كودەكستىڭ 412-بابى بويىنشا 721 قازاقستاندىققا 18 ميلليون تەڭگەدەن استام سوماعا ايىپپۇل سالىندى.

مينيسترلىكتىڭ حالىقتى قورعاۋ بويىنشا قابىلداعان شارالارى ءوز تيىمدىلىگىن كورسەتۋدە. وعان دالەل، 45 كۇننىڭ ىشىندە قۇتقارۋشىلار 153 ادامنىڭ، ونىڭ ىشىندە 38 بالانىڭ قازا بولۋىنا جول بەرمەدى.

☝️ءبىز ءۇشىن ءاربىر ءومىر ماڭىزدى.