Sýǵa túsýdiń tártibin nege saqtamaimyz?

Qazaqstanda sý aidyndarynda qaza tapqandardyń sany kúnnen-kúnge ósýde. Alaida balalar óliminiń kúrt ósýi úlken alańdaýshylyq týdyrady.

‼️Jazataiym oqiǵalar demalys kúnderi jii kezdesedi. Qaýipsizdik erejelerin elemeý, jabdyqtalmaǵan jerlerde shomylý jáne balalardy nazardan tys qaldyrý kóbinese qaiǵyly jaǵdaiǵa ákelýde. Máselen, shomylý maýsymy bastalǵannan beri 85 adam, onyń ishinde 35 bala sýǵa batyp ketti.

TJM qazaqstandyqtardy sýdaǵy qaýipsizdik erejelerin saqtaýǵa shaqyrady. Bul erejelermen siz ministrliktiń resmi saitynda tanysa alasyz.
Tyiym salynǵan jerlerde shomylý ómirge qaýip tóndirip qana qoimai, aiyppul túrinde ákimshilik jaýapkershilikke ákeledi. Tek ákimshilik quqyq buzýshylyq týraly kodekstiń 412-baby boiynsha 721 qazaqstandyqqa 18 million teńgeden astam somaǵa aiyppul salyndy.

Ministrliktiń halyqty qorǵaý boiynsha qabyldaǵan sharalary óz tiimdiligin kórsetýde. Oǵan dálel, 45 kúnniń ishinde qutqarýshylar 153 adamnyń, onyń ishinde 38 balanyń qaza bolýyna jol bermedi.

☝️Biz úshin árbir ómir mańyzdy.