تۇركىستان وبلىسىندا مال دارىگەرلەرى الاياقتىق جاسادى دەگەن كۇدىككە ءىلىندى، دەپ حابارلايدى Dalanews.kz

otyrar.kz مالىمەتىنشە، ساۋران اۋداندىق ۆەتەريناريا ءبولىمىنىڭ ۆەتەريناريالىق ستانسيا قىزمەتكەرلەرى الاياقتىق جاسادى دەگەن كۇدىككە ىلىنگەن.

وبلىس پروكۋراتۋراسىنىڭ مالىمەتىنشە، كۇدىكتىلەر مال شارۋاشىلىعىن دامىتۋعا بولىنگەن اسا ءىرى مولشەردەگى مەملەكەت قارجىسىن جىمقىرعان. ءىس سوتقا جەتكەن.

"تەرگەۋ بارىسىندا ورانعاي، جاڭا يقان اۋىلدىق وكرۋگتەرىنىڭ ۆەتەرينارلارى مەن ۆەتەرينارلىق بەكەتتىڭ مەڭگەرۋشىسى 31 شارۋا قوجالىعىندا ءىس جۇزىندە جوق مالدار بار ەكەنى تۋرالى دەرەكتەر بازاسىنا جالعان مالىمەتتەر ەنگىزىپ، جالپى سوماسى 271 ملن تەڭگە سۋبسيديانى جىمقىرعانى انىقتالدى"، - دەدى تۇركىستان وبلىسى پروكۋرورىنىڭ ورىنباسارى دوسىمحان ايتيشيەۆ.

ستانسيا قىزمەتكەرلەرى قولدان قۇجات جاساپ، ومىردە جوق ۇساق جانە ءىرى قارا مالدى تىركەگەن جانە سول ارقىلى مەملەكەتتىڭ اسا ءىرى كولەمدەگى اقشاسىن قولدى قىلعان. كۇدىكتى رەتىندە 5 ادام ۇستالعان.

"ءىس بويىنشا 5 ادام كۇدىكتى دەپ تانىلدى. ونىڭ ىشىندە ۇشەۋى - ۆەتەريناريا قىزمەتكەرى. بىرەۋى - ۆەتەريناريا ستانسياسىنىڭ مەڭگەرۋشىسى"، - دەدى تۇركىستان وبلىسى پروكۋرورىنىڭ ورىنباسارى دوسىمحان ايتيشيەۆ.

كۇدىكتىلەر جىمقىردى دەگەن 271 ميلليون تەڭگە اقشانىڭ 19 ميلليون تەڭگەسى قايتارىلعان. ولاردىڭ 120 ميلليون تەڭگە تۇراتىن مۇلكىنە تىيىم سالىنعان. سوت تەرگەۋى باستالعان.