سۋ تاسقىنىنا قارسى شارالارعا بٶلٸنگەن قاراجاتتى ۇرلاعان قاراقشىلاردىڭ ٷكٸمٸ كٷشٸندە قالدى, دەپ حابارلايدى Dalanews.kz.
بيىل 7 قاراشادا اقمولا وبلىستىق سوتىنىڭ اپەللياتسييالىق القاسى 300 ملن تەڭگەدەن استام قاراجاتتى جىمقىرعانى ٷشٸن اتباسار اۋدانىنىڭ ەكٸمدٸگٸنە قاراستى قۇرىلىس بٶلٸمٸنٸڭ باسشىسى قاراناعاەۆ, «پرەستيج ستروي 7» جەنە «فۋندامەنتال» جشس-نٸڭ باسشىلارى ورلوۆ پەن سەرٸكباەۆقا قاتىستى سوتتىڭ ايىپتاۋ ٷكٸمٸن ٶزگەرٸسسٸز قالدىردى.
ەستەرٸڭٸزگە سالا كەتەيٸك, اتالعان قاراجاتتار 2021 جىلى ٷكٸمەت رەزەرۆٸنەن اتباسار اۋدانىندا سۋ تاسقىنى ايماعىندا تۇراتىن 200 جانۇيانى كٶشٸرۋ ٷشٸن ەكٸ 100 پەتەرلٸ ٷيلەردٸ سالۋعا بٶلٸنگەن.
ٸس اقمولا وبلىسى ارنايى پروكۋرورلارىمەن تەرگەلگەن بولاتىن.
ۇرلىقتى ۇيىمداستىرۋشى سەرٸكباەۆ قر قك 189-بابىنىڭ 4-بٶلٸگٸ 2)-شٸ تارماعى (تالان-تاراجعا سالۋ) بويىنشا كەسٸپكەرلٸك قىزمەتپەن اينالىسۋ قۇقىعىنان ايىرا وتىرىپ, 8 جىل 6 ايعا باس بوستاندىعىنان ايىرىلدى.
مەردٸگەر ۇيىمنىڭ ديرەكتورى ورلوۆ قر قك 189-بابىنىڭ 4-بٶلٸگٸ 2) تارماعى, 218-بابىنىڭ 3-بٶلٸگٸ 3) تارماعى (تالان-تاراجعا سالۋ جەنە قىلمىستىق جولمەن الىنعان مٷلٸكتٸ زاڭداستىرۋ) بويىنشا كٸنەلٸ دەپ تانىلىپ, 7 جىل 6 ايعا باس بوستاندىعىنان ايىرۋ جازاسى تاعايىندالدى, مٷلكٸ تەركٸلەنٸپ, بارلىق مەنشٸك نىسانىنداعى ۇيىمداردا ماتەريالدىق-جاۋاپتى لاۋازىمداردى اتقارۋ قۇقىعىنان ايىرىلدى.
اتباسار اۋداندىق قۇرىلىس بٶلٸمٸنٸڭ باستىعى قاراناعاەۆ قر قك 189-بابىنىڭ 4-بٶلٸگٸنٸڭ 2) تارماعى بويىنشا مەملەكەتتٸك قىزمەتتە لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 7 جىل 6 ايعا ناقتى باس بوستاندىعىنان ايىرىلدى.
ايتا كەتۋ كەرەك, سىبايلاس جەمقورلىق قىلمىس جاساعانى ٷشٸن سوتتالعان ادامدار, شارتتى تٷردە مەرزٸمٸنەن بۇرىن بوساتىلۋعا جاتپايدى.
