عاۋەز نۇرمۇحامبەتوۆ باستاعان سولتۇستىك قازاقستان وبلىسىنىڭ رەسمي جانە ىسكەرلىك دەلەگاسياسى رەسەي فەدەراسياسىنىڭ قورعان وبلىسىنا جۇمىس ساپارىمەن باردى، – دەپ حابارلايدى Dalanews.kz
بۇل جايلى سقو اكىمى الەۋمەتتىك جەلىدەگى پاراقشاسىندا جازدى.
"ەلىمىز بەن كورشىلەس مەملەكەتتىڭ اراسىنداعى ءوزارا ءتيىمدى ىنتىماقتاستىق نىعايا تۇسۋدە. سوڭعى بەس جىلدا سقو مەن رف اراسىنداعى تاۋار اينالىمى 1،6 ەسەگە ءوسىپ، 700 ميلليون اقش دوللارىنا جەتتى. الايدا، بۇل الەۋەتتىڭ شەگى ەمەس. قورعان وبلىسىنىڭ گۋبەرناتورى ۆاديم شۋمكوۆپەن وتكەن كەزدەسۋدە ەكىجاقتى ارىپتەستىكتى ودان ءارى كەڭەيتۋ پەرسپەكتيۆالارى تالقىلاندى. وسى ماقساتتا ساۋدا-ەكونوميكالىق، عىلىمي-تەحنيكالىق جانە گۋمانيتارلىق سالالارداعى ىنتىماقتاستىق تۋرالى كەلىسىمدى ىسكە اسىرۋ جونىندەگى جول كارتاسىنا قول قويىلدى"، - دەپ جازدى عاۋەز نۇرمۇحامبەتوۆ.
بيزنەس-باستامالار مەن بىرلەسكەن ينۆەستيسيالىق جوبالاردى جۇزەگە اسىرۋ ماسەلەلەرىنە ەرەكشە كوڭىل ءبولىندى. بۇل تاقىرىپتار شەكارالاس ەكى وبلىستىڭ ىسكەر توپتارىمەن وتكەن ديالوگتىڭ وزەگىنە اينالدى. سقو مەن قورعان وبلىسىنىڭ كاسىپكەرلەرى B2B فورماتىندا ماسەلەلەرگە ناقتىراق توقتالدى.
بىرنەشە ماڭىزدى قۇجاتتارعا قول قويىلدى: قورعان وبلىسىنىڭ ساۋدا-ونەركاسىپ پالاتاسى مەن سقو-نىڭ كاسىپكەرلەر پالاتاسى اراسىنداعى كەلىسىم، «سولتۇستىك» اكك جانىنداعى ينۆەستورلاردى قولداۋ جانە يننوۆاسيالاردى دامىتۋ ورتالىعى مەن «اگروكومپلەكس كۋرگانسەمەنا» جشق اراسىنداعى مەموراندۋم، سونداي-اق «كۋرگاندورماش» اق مەن «قىزىلجار» اەا اراسىنداعى ىنتىماقتاستىق تۋرالى مەموراندۋم. كوممۋنالدىق جانە ارنايى تەحنيكا شىعاراتىن «كۋرگاندورماش» «قىزىلجار» ايماعىندا كاسىپورىن اشۋدى جوسپارلاپ وتىر.
وندىرىستىك الەۋەتتى تەرەڭىرەك زەردەلەۋ ماقساتىندا سقو دەلەگاسياسى «كۋرگاندورماش»، "كۋرگانستالموست"، «ۆەزدەحودى بۋرلاك» كاسىپورىندارى مەن يندۋستريالىق پارككە باردى. بۇل نىساندار ونەركاسىپتىك كووپەراسيا مەن تەحنولوگيا الماسۋ تۇرعىسىنان پراكتيكالىق قىزىعۋشىلىق تۋدىردى.
سونىمەن قاتار قورعاندا تۇراتىن قازاقتارمەن جىلى كەزدەسۋ ءوتتى. جۇزدەسۋ بارىسىندا قولداۋ، ءبىلىم بەرۋ جانە مادەني بايلانىستاردى كەڭەيتۋ ماسەلەلەرى قوزعالدى.
ساپار سوڭىندا وبلىس اكىمى قورعاندىق ارىپتەستەرگە مازمۇندى باعدارلاما ءۇشىن العىسىن ءبىلدىردى. بۇل ساپار مەن قول قويىلعان مەموراندۋمدار مەن كەلىسىمدەر ءوڭىرارالىق ىنتىماقتاستىقتى نىعايتۋ جولىنداعى ماڭىزدى قادام بولىپ، سەرىكتەستىككە جاڭا سەرپىن بەرمەك.
