سقو اكىمىمەن، وبلىس اكىمدەرىنىڭ ورىنباسارلارىمەن، مال شارۋاشىلىعىنىڭ باسشىلارىمەن بىرگە اۋىل شارۋاشىلىعى مينيسترلىگىنىڭ وكىلدەرى وبلىستىڭ ءۇش اۋدانىنا باردى. قىزىلجار اۋدانىنىڭ چاپايەۆ اۋىلىندا مالشىلار سلەت ءوز مارەسىنە جەتتى.
قىزىلجار اۋدانىنىڭ چاپايەۆ اۋىلىندا دەلەگاسيا "ءقىزىلجار-سۇت"ج ش س ءسۇت كەشەنىنە باردى. ءوندىرىس بارىسىمەن جانە كاسىپورىن ونىمدەرىمەن تانىستى.
وسىدان كەيىن مالشىلار سلەتى وتەتىن جەردە قاتىسۋشىلارعا اۋىل شارۋاشىلىعى تەحنيكالارىنىڭ، مالدار مەن تاۋارلاردىڭ كورمەسى كورسەتىلدى.
ءىس-شارانى قورىتىندىلاي كەلە، سولتۇستىك ءوڭىر باسشىسى ەربول قاراشوكەيەۆكە سولتۇستىك قازاقستان وبلىسىندا رەسپۋبليكالىق مالشىلار سلەتىن وتكىزۋ باستاماسى ءۇشىن العىس ايتىپ، سالاداعى ءبىر جىلعى جۇمىس قورىتىندىلارى تۋرالى ايتىپ بەردى.
«مەملەكەت باسشىسى ەلدى نەگىزگى ازىق-تۇلىكپەن تولىق قامتاماسىز ەتۋ مىندەتىن قويدى. اعىمداعى جىلى وبلىس بويىنشا ينۆەستيسيا كولەمى 76 ملرد تەڭگەدەن اساتىن 31 ينۆەستيسيالىق جوبا ىسكە اسىرىلۋدا، بۇل 1 000-نان استام ادامدى تۇراقتى جۇمىس ورىندارىمەن قامتاماسىز ەتەدى.
بۇل 17 ءسۇت-تاۋار فەرماسى، ءۇش قۇس فابريكاسى، ءبىر شوشقا كەشەنى، التى ەليەۆاتور ىسكە قوسىلماق. جۇمىس ىستەپ تۇرعان ءبىرقاتار نىسانداردى بۇگىن ارالاپ كوردىڭىز.
ينۆەستيسيالىق جوبالاردى مەملەكەتتىك قولداۋ شارالارىنسىز ىسكە اسىرۋ مۇمكىن ەمەس. ءبىزدىڭ وبلىستا جوبالاردى اكك ارقىلى قارجىلاندىرۋدىڭ پيلوتتىق باعدارلاماسى جۇمىس ىستەيدى. ءبىز ءتورت پايىز جەڭىلدىكپەن نەسيە بەرەمىز، نەسيە بويىنشا ەكى جىلعا كەيىنگە قالدىرامىز، جەڭىلدەتىلگەن سالىق مولشەرى تاعى بار.
بۇل تاجىريبەنى رەسپۋبليكامىزدىڭ باسقا دا وبلىستارىندا ىسكە اسىرۋعا بولادى» دەدى قۇمار اقساقالوۆ.
ءوز كەزەگىندە ق ر اۋىل شارۋاشىلىعى ءمينيسترى ەلىمىزدەگى اگروونەركاسىپتىك كەشەن مەن مال شارۋاشىلىعىنىڭ جالپى دامۋ تەندەنسياسىن اتاپ ءوتتى.
«ەلدىڭ مال شارۋاشىلىعى تۇتاستاي العاندا اۋىل شارۋاشىلىعىنىڭ سالىستىرمالى تۇردە تۇراقتى دامىپ كەلە جاتقان سالاسى رەتىندە سيپاتتالادى.
بۇعان مال مەن قۇس سانىنىڭ تۇراقتى ءوسۋ قارقىنى دالەل. الدا ولاردىڭ ساپالىق كورسەتكىشتەرىن جاقسارتۋ، جانۋارلاردىڭ ونىمدىلىگىن ارتتىرۋ، سونداي-اق مال شارۋاشىلىعى ونىمدەرىن ءوندىرۋ كولەمىن ۇلعايتۋ.
ءبىز ءوزىمىزدى سيىر ەتى، قوي ەتى، جىلقى ەتى مەن جۇمىرتقامەن قامتاماسىز ەتۋدەمىز. قۇس ەتى بويىنشا سوڭعى ءۇش جىلدا يمپورتقا تاۋەلدىلىكتى 51% - دان 35% - عا دەيىن تومەندەتۋگە مۇمكىندىك تۋدى. الداعى ءتورت جىلدا ءبىز بۇل كورسەتكىشتى بارىنشا ازايتۋدى جانە قۇس ەتى بويىنشا ءوزىن-وزى قامتاماسىز ەتۋدى جوسپارلاپ وتىرمىز. مۇنىڭ بارلىعى سالانى مەملەكەتتىك قولداۋ شارالارىنىڭ ارقاسىندا ورىن الدى، ولاردىڭ كولەمى جىلدان جىلعا تۇراقتى قارقىنمەن وسۋدە» دەپ جەتكىزدى ەربول قاراشوكەيەۆ.
مينيستر سونداي-اق، سوڭعى بەس جىلدا مال شارۋاشىلىعىن دامىتۋعا ارنالعان سۋبسيديالار كولەمى 60% - دان استامعا ءوسىپ، اعىمداعى جىلى 124،5 ميلليارد تەڭگەنى قۇراعانىن، ال سالاعا ينۆەستيسيالاردى ءتيىمدى تارتۋدىڭ مىسالى رەتىندە ەربول قاراشوكەيەۆ سولتۇستىك قازاقستان وبلىسىن اتاپ ءوتتى.
سولتۇستىك قازاقستان وبلىسى رەسپۋبليكادا مال شارۋاشىلىعىن دامىتۋ بويىنشا الدىڭعى قاتاردا. ەلىمىزدىڭ باسقا وڭىرلەرى ءۇشىن ونىڭ ءسۇت باعىتىنداعى ناتيجەلى جۇمىستار ۇلگى بولىپ تابىلادى.
مەملەكەتتىك قولداۋدىڭ ارقاسىندا وبلىستا 2018 جىلدان باستاپ جالپى سانى 15،2 مىڭ باس ءىقم بولاتىن 22 ءسۇت-تاۋار فەرماسى سالىندى. وسى جوبالاردى ىسكە اسىرۋعا 23 ميلليارد تەڭگە ينۆەستيسيا قۇيىلدى، 650 جاڭا جۇمىس ورنى اشىلدى. مال شارۋاشىلىعى كولەمىن ارتتىرۋ ءۇشىن وبلىستا جالپى سانى 7،6 مىڭ سيىر بولاتىن تاعى 11 ءسۇت-تاۋارلى فەرمالاردىڭ قۇرىلىسى جۇرگىزىلۋدە.
ولاردىڭ سەگىزى وسى جىلى ءوز جۇمىسىن باستايدى دەپ جوسپارلانۋدا. مۇنىڭ بارلىعى سولتۇستىك قازاقستان وبلىسى باسشىلىعىنىڭ، اگروونەركاسىپ كەشەنىن جەمىستى ەڭبەك ەتىپ جاتقان شاراۋالاردىڭ ارقاسىندا» دەدى ق ر اۋىل شارۋاشىلىعى ءمينيسترى.
رەسپۋبليكالىق مالشىلار سلەتى ەرەكشە كوزگە تۇسكەن فەرمەرلىك شارۋاشىلىقتاردىڭ باسشىلارى مەن ماماندارىن ماراپاتتاۋ راسىمىمەن اياقتالدى.
"ەڭبەك ارداگەرى" مەدالىنە 12 قازاقستاندىق يە بولسا، 24ء-ى "اۋىل شارۋاشىلىعى ۇزدىگى" توسبەلگىسىنە يە بولدى، مال شارۋاشىلىعى سالاسىنىڭ 49 قىزمەتكەرى قۇرمەت گراموتالارىمەن جانە العىس حاتتارمەن ماراپاتتالدى.
