SQO ákimimen, oblys ákimderiniń orynbasarlarymen, mal sharýashylyǵynyń basshylarymen birge aýyl sharýashylyǵy ministrliginiń ókilderi oblystyń úsh aýdanyna bardy. Qyzyljar aýdanynyń Chapaev aýylynda malshylar slet óz máresine jetti.
Qyzyljar aýdanynyń Chapaev aýylynda delegatsiia "Qyzyljar-Sút"JShS sút keshenine bardy. Óndiris barysymen jáne kásiporyn ónimderimen tanysty.
Osydan keiin malshylar sleti ótetin jerde qatysýshylarǵa aýyl sharýashylyǵy tehnikalarynyń, maldar men taýarlardyń kórmesi kórsetildi.
Is-sharany qorytyndylai kele, soltústik óńir basshysy Erbol Qarashókeevke Soltústik Qazaqstan oblysynda respýblikalyq malshylar sletin ótkizý bastamasy úshin alǵys aityp, saladaǵy bir jylǵy jumys qorytyndylary týraly aityp berdi.
«Memleket basshysy Eldi negizgi azyq-túlikpen tolyq qamtamasyz etý mindetin qoidy. Aǵymdaǵy jyly oblys boiynsha investitsiia kólemi 76 mlrd teńgeden asatyn 31 investitsiialyq joba iske asyrylýda, bul 1 000-nan astam adamdy turaqty jumys oryndarymen qamtamasyz etedi.
Bul 17 sút-taýar fermasy, úsh qus fabrikasy, bir shoshqa kesheni, alty elevator iske qosylmaq. Jumys istep turǵan birqatar nysandardy búgin aralap kórdińiz.
Investitsiialyq jobalardy memlekettik qoldaý sharalarynsyz iske asyrý múmkin emes. Bizdiń oblysta jobalardy ÁKK arqyly qarjylandyrýdyń pilottyq baǵdarlamasy jumys isteidi. Biz tórt paiyz jeńildikpen nesie beremiz, nesie boiynsha eki jylǵa keiinge qaldyramyz, jeńildetilgen salyq mólsheri taǵy bar.
Bul tájiribeni respýblikamyzdyń basqa da oblystarynda iske asyrýǵa bolady» dedi Qumar Aqsaqalov.
Óz kezeginde QR Aýyl sharýashylyǵy ministri elimizdegi agroónerkásiptik keshen men mal sharýashylyǵynyń jalpy damý tendentsiiasyn atap ótti.
«Eldiń mal sharýashylyǵy tutastai alǵanda aýyl sharýashylyǵynyń salystyrmaly túrde turaqty damyp kele jatqan salasy retinde sipattalady.
Buǵan mal men qus sanynyń turaqty ósý qarqyny dálel. Alda olardyń sapalyq kórsetkishterin jaqsartý, janýarlardyń ónimdiligin arttyrý, sondai-aq mal sharýashylyǵy ónimderin óndirý kólemin ulǵaitý.
Biz ózimizdi siyr eti, qoi eti, jylqy eti men jumyrtqamen qamtamasyz etýdemiz. Qus eti boiynsha sońǵy úsh jylda importqa táýeldilikti 51% - dan 35% - ǵa deiin tómendetýge múmkindik týdy. Aldaǵy tórt jylda biz bul kórsetkishti barynsha azaitýdy jáne qus eti boiynsha ózin-ózi qamtamasyz etýdi josparlap otyrmyz. Munyń barlyǵy salany memlekettik qoldaý sharalarynyń arqasynda oryn aldy, olardyń kólemi jyldan jylǵa turaqty qarqynmen ósýde» dep jetkizdi Erbol Qarashókeev.
Ministr sondai-aq, sońǵy bes jylda mal sharýashylyǵyn damytýǵa arnalǵan sýbsidiialar kólemi 60% - dan astamǵa ósip, aǵymdaǵy jyly 124,5 milliard teńgeni quraǵanyn, al salaǵa investitsiialardy tiimdi tartýdyń mysaly retinde Erbol Qarashókeev Soltústik Qazaqstan oblysyn atap ótti.
Soltústik Qazaqstan oblysy respýblikada mal sharýashylyǵyn damytý boiynsha aldyńǵy qatarda. Elimizdiń basqa óńirleri úshin onyń sút baǵytyndaǵy nátijeli jumystar úlgi bolyp tabylady.
Memlekettik qoldaýdyń arqasynda oblysta 2018 jyldan bastap jalpy sany 15,2 myń bas IQM bolatyn 22 sút-taýar fermasy salyndy. Osy jobalardy iske asyrýǵa 23 milliard teńge investitsiia quiyldy, 650 jańa jumys orny ashyldy. Mal sharýashylyǵy kólemin arttyrý úshin oblysta jalpy sany 7,6 myń siyr bolatyn taǵy 11 sút-taýarly fermalardyń qurylysy júrgizilýde.
Olardyń segizi osy jyly óz jumysyn bastaidy dep josparlanýda. Munyń barlyǵy Soltústik Qazaqstan oblysy basshylyǵynyń, agroónerkásip keshenin jemisti eńbek etip jatqan sharaýalardyń arqasynda» dedi QR Aýyl sharýashylyǵy ministri.
Respýblikalyq malshylar sleti erekshe kózge túsken fermerlik sharýashylyqtardyń basshylary men mamandaryn marapattaý rásimimen aiaqtaldy.
"Eńbek ardageri" medaline 12 qazaqstandyq ie bolsa, 24-i "Aýyl sharýashylyǵy úzdigi" tósbelgisine ie boldy, mal sharýashylyǵy salasynyń 49 qyzmetkeri Qurmet gramotalarymen jáne alǵys hattarmen marapattaldy.
