سولتٷستٸك قازاقستان وبلىسىنىڭ بلاگوۆەششەنكا اۋىلىندا قايعىلى وقيعا بولدى. الدىن الا مەلٸمەت بويىنشا, 66 جاستاعى ەر ادام ٶز اناسىن ٶلتٸردٸ دەگەن كٷدٸكپەن ۇستالدى, دەپ حابارلايدى dalanews.kz.
كٶرشٸلەردٸڭ ايتۋىنشا, 89 جاستاعى ەيەل ۇلىن كارتوپ قازۋعا كٶمەكتەسۋگە شاقىرعان. الايدا ارادا بٸراز ۋاقىت ٶتكەن سوڭ قارت انانىڭ دەنەسٸ ۇلىنىڭ ٷيٸنٸڭ اۋلاسىنان تابىلعان.
الدىن الا اقپاراتقا سەيكەس, ەيەلدٸڭ دەنەسٸنەن زورلىق-زومبىلىق بەلگٸلەرٸ انىقتالعان. كەيبٸر مەلٸمەتتەردە قىلمىس كەزٸندە بالتا قولدانىلعانى ايتىلىپ وتىر.
پوليتسييا كٷدٸكتٸ رەتٸندە 66 جاستاعى ەر ادامدى ۇستادى. قازٸر ول ۋاقىتشا ۇستاۋ يزولياتورىنا قامالعان.
سولتٷستٸك قازاقستان وبلىسى پوليتسييا دەپارتامەنتٸنٸڭ مەلٸمەتٸنشە, اتالعان دەرەك بويىنشا ادام ٶلتٸرۋ فاكتٸسٸمەن سوتقا دەيٸنگٸ تەرگەۋ باستالدى.
– پوليتسەيلەر بلاگوۆەششەنكا اۋىلىنىڭ 89 جاستاعى تۇرعىنىنىڭ ٶلٸمٸنە بايلانىستى قىلمىستىق ٸستٸ تەرگەپ جاتىر. قاجەتتٸ ساراپتامالار تاعايىندالدى. وقيعانىڭ بارلىق مەن-جايى مەن سەبەپتەرٸ انىقتالۋدا, – دەپ حابارلادى پوليتسييا.
رەسمي تٷردە راستالماعان اقپاراتقا سەيكەس, ۇستالعان ازاماتتىڭ بۇرىن پسيحيكالىق دەنساۋلىعىنا قاتىستى مەسەلەلەرٸ بولعان بولۋى مٷمكٸن. الايدا بۇل مەلٸمەت ەزٸرگە قۇقىق قورعاۋ ورگاندارى تاراپىنان راستالعان جوق.
