سولتٷستٸك قازاقستاندا "تازا قازاقستان" رەسپۋبليكالىق ەكولوگييالىق اكتسيياسى اياسىندا كٶگالداندىرۋ, اۋماقتاردى تازارتۋ جٷرگٸزٸلٸپ, حالىقپەن تٷسٸندٸرۋ كەزدەسۋلەرٸ ٶتۋدە, دەپ حابارلايدى Dalanews.kz
سقو ەكٸمٸنٸڭ تاپسىرماسىنا سەيكەس ٷش ايلىق اباتتاندىرۋ ايلىعى جارييالاندى. پەتروپاۆلدا وبلىس ەكٸمٸنٸڭ بٸرٸنشٸ ورىنباسارى مارات تاسماعانبەتوۆ, وبلىس ەكٸمٸنٸڭ ورىنباسارى قانات دٷزەلباەۆ, وبلىستىق مەسليحات تٶراعاسى ۆلاديمير بۋبەنكو, قالا ەكٸمٸ سەرٸك مۇحامەديەۆ, قىزىلجار اۋدانىنىڭ ەكٸمٸ ساقتاعان سەدۆوكاسوۆ, سونداي-اق مەردٸگەر ۇيىمدار, قوعام بەلسەندٸلەرٸ, مەملەكەتتٸك ورگاندار مەن قالا تۇرعىندارىنىڭ قاتىسۋىمەن جيىن ٶتتٸ. كەزدەسۋدە اۋماقتاردى اباتتاندىرۋ مەن «جاسىل ايماقتاردى» قالىپتاستىرۋ جٶنٸندەگٸ كەشەندٸ جوسپاردىڭ جٷزەگە اسىرىلۋ مەسەلەلەرٸ تالقىلاندى.
«ازاماتتاردىڭ ەكولوگييالىق مەدەنيەتٸ قالىپتاسىپ كەلەدٸ. تابيعاتقا ۇقىپتى قاراۋ – بٷگٸنگٸ ٶمٸرٸمٸزدٸڭ ماڭىزدى بٶلٸگٸ. وسىعان بايلانىستى وبلىس ەكٸمٸ پەتروپاۆل جەنە قىزىلجار اۋداندارى بويىنشا كەڭەس ٶتكٸزۋدٸ تاپسىردى. قولايلى اۋا رايى جاعدايى اباتتاندىرۋ جۇمىستارىن جانداندىرۋعا مٷمكٸندٸك بەرٸپ وتىر. مۇنداي كەڭەستەر وبلىستىڭ بارلىق اۋداندارىندا ٶتەدٸ», – دەدٸ مارات تاسماعانبەتوۆ.
«تازا قازاقستان» اياسىندا بىلتىر 7,6 ملرد تەڭگەگە اباتتاندىرۋ جۇمىستارى جٷرگٸزٸلدٸ. 36 بالالار ويىن الاڭى مەن 40 سپورت الاڭى ورناتىلدى.
«ٶتكەن جىلدىڭ قاراشا ايىندا "ەڭ ٷزدٸك اۋماقتى اباتتاندىرۋ" بايقاۋى ٶتتٸ. 4 نوميناتسييا بويىنشا 4 جەڭٸمپاز انىقتالدى. جەڭٸمپازدارعا بالالار الاڭدارىن ورناتۋعا قاراجات بٶلٸندٸ. بيىل دا بۇل بايقاۋ جالعاسادى. نوميناتسييالار سانىن كٶبەيتۋدٸ جوسپارلاپ وتىرمىز», – دەدٸ قانات دٷزەلباەۆ.
اباتتاندىرۋعا ارنالعان ٷش ايلىق كەزەڭ باستالعالى وبلىس اۋماعىندا 5 مىڭ اۋلا تازارتىلدى. 130 تاريحي-مەدەني ەسكەرتكٸش پەن 90 ساياباق پەن سكۆەر سانيتارلىق تالاپتارعا سەيكەستەندٸرٸلدٸ. پوليگوندارعا 10 مىڭ تونناعا جۋىق قوقىس شىعارىلدى. ٶتكەن جىلعى سۋ تاسقىنىنان زارداپ شەككەن اۋماقتاردا 2 مىڭنان استام اعاش وتىرعىزۋ, 70-تەن استام سكۆەردٸ اباتتاندىرۋ جوسپارلانۋدا.
دەگەنمەن, پروبلەمالار دا بار. مىسالى, كەيبٸر مەردٸگەرلەر ٶز مٸندەتتەرٸنە جاۋاپسىز قاراۋى. كٶبٸنەسە قۇرىلىس جەنە جٶندەۋدەن كەيٸن كٶشەلەر مەن اۋماقتاردا قوقىس قالىپ قويادى. مارات تاسماعانبەتوۆ مەردٸگەرلەرگە كەمشٸلٸكتەردٸ شۇعىل تٷردە جويىپ, بٷلٸنگەن تروتۋارلار مەن جولدى قالپىنا كەلتٸرۋدٸ, بورديۋرلەردٸ اۋىستىرىپ, قوقىستى شىعارۋ كەرەكتٸگٸن باسا ايتتى.
