شىعىس قازاقستان وبلىسىندا ٶرت سٶندٸرۋشٸ پىشاق جاراقاتىنان قازا تاپتى. مارقۇمنىڭ تۋىستارى وقيعانىڭ مەن-جايىنا قاتىستى بٸرقاتار سۇراقتىڭ ەلٸ دە جاۋاپسىز قالعانىن ايتىپ وتىر, دەپ حابارلايدى dalanews.kz.
قايتىس بولعان ازاماتتىڭ جۇبايىنىڭ ايتۋىنشا, وقيعا 7 قاڭتارعا قاراعان تٷنٸ كاتونقاراعاي اۋدانىنداعى №27 ٶرت سٶندٸرۋ بٶلٸمٸنٸڭ اۋماعىندا بولعان. ونىڭ كٷيەۋٸ پىشاق جاراقاتىن الىپ, كەيٸن اۋرۋحانادا كٶز جۇمعان.
ەيەلدٸڭ سٶزٸنشە, جارالانعان ەر ادامدى اۋرۋحاناعا ەرٸپتەستەرٸ ٶزدەرٸ جەتكٸزگەن. الايدا جەدەل جەردەم دە, پوليتسييا دا شاقىرىلماعان. ال وتباسى بولعان جاعدايدى كەلەسٸ كٷنٸ تاڭەرتەڭ عانا بٸلگەن.
ەندٸ مارقۇمنىڭ جاقىندارى سول تٷنٸ ناقتى نە بولعانىن جەنە ٶرت سٶندٸرۋشٸنٸڭ قانداي جاعدايدا جارالانعانىن انىقتاۋدى تالاپ ەتٸپ وتىر. وتباسى ەر ادامنىڭ ناقتى قاي جەردە جاراقات العانىن, ونى العاش كٸم تاپقانىن جەنە ٶرت سٶندٸرۋ بٶلٸمٸندەگٸ بەينەباقىلاۋ كامەرالارى نەلٸكتەن جۇمىس ٸستەمەگەنٸن بٸلگٸسٸ كەلەدٸ.
سونداي-اق تۋىستارى جارالى ازامات اۋرۋحاناعا جەتكٸزٸلگەن كٶلٸكتٸڭ تەكسەرٸلگەن-تەكسەرٸلمەگەنٸ دە بەلگٸسٸز ەكەنٸن جەتكٸزدٸ.
شىعىس قازاقستان وبلىسىنىڭ پوليتسييا دەپارتامەنتٸ اتالعان دەرەك بويىنشا تەرگەۋ اياقتالعانىن حابارلادى. قىلمىستىق ٸس سوتقا جولدانعان.
