Shyǵys Qazaqstan oblysynda órt sóndirýshi pyshaq jaraqatynan qaza tapty. Marqumnyń týystary oqiǵanyń mán-jaiyna qatysty birqatar suraqtyń áli de jaýapsyz qalǵanyn aityp otyr, dep habarlaidy dalanews.kz.
Qaitys bolǵan azamattyń jubaiynyń aitýynsha, oqiǵa 7 qańtarǵa qaraǵan túni Katonqaraǵai aýdanyndaǵy №27 órt sóndirý bóliminiń aýmaǵynda bolǵan. Onyń kúieýi pyshaq jaraqatyn alyp, keiin aýrýhanada kóz jumǵan.
Áieldiń sózinshe, jaralanǵan er adamdy aýrýhanaǵa áriptesteri ózderi jetkizgen. Alaida jedel járdem de, politsiia da shaqyrylmaǵan. Al otbasy bolǵan jaǵdaidy kelesi kúni tańerteń ǵana bilgen.
Endi marqumnyń jaqyndary sol túni naqty ne bolǵanyn jáne órt sóndirýshiniń qandai jaǵdaida jaralanǵanyn anyqtaýdy talap etip otyr. Otbasy er adamnyń naqty qai jerde jaraqat alǵanyn, ony alǵash kim tapqanyn jáne órt sóndirý bólimindegi beinebaqylaý kameralary nelikten jumys istemegenin bilgisi keledi.
Sondai-aq týystary jaraly azamat aýrýhanaǵa jetkizilgen kóliktiń tekserilgen-tekserilmegeni de belgisiz ekenin jetkizdi.
Shyǵys Qazaqstan oblysynyń politsiia departamenti atalǵan derek boiynsha tergeý aiaqtalǵanyn habarlady. Qylmystyq is sotqa joldanǵan.
