S&P Global Ratings قازاقستاننىڭ ۇزاق مەرزٸمدٸ ەگەمەندٸ كرەديتتٸك رەيتينگٸن «BBB-» دەڭگەيٸندە راستادى, بولجام - «پوزيتيۆتٸ», دەپ حابارلايدى Dalanews.kz.
پوزيتيۆتٸ بولجام S&P اگەنتتٸگٸنٸڭ الداعى جىلدارى فيسكالدىق كونسوليداتسييا جالعاسادى دەگەن كٷتٸلٸمٸن, سونداي-اق مەملەكەتتٸڭ ەلەۋلٸ كٶلەمدەگٸ ٶتٸمدٸ اكتيۆتەرٸن ساقتاپ قالۋىن كٶرسەتەدٸ. S&P باعالاۋىنشا, جاڭا ورتا مەرزٸمدٸ بيۋدجەت بيۋدجەت تاپشىلىعىن كەزەڭ-كەزەڭٸمەن قىسقارتۋدى جەنە ۇلتتىق قور اكتيۆتەرٸن قايتا جيناقتاۋدى كٶزدەيدٸ.
S&P 2025 جىلى ۇلتتىق قوردىڭ ينۆەستيتسييالىق نەتيجەلەرٸ جوعارى بولعانىن اتاپ ٶتتٸ. سونىمەن قاتار, ۇلتتىق قور قاراجاتىن پايدالانۋ ەرەجەلەرٸنٸڭ قاتاڭداۋى ٶتٸمدٸ اكتيۆتەردٸڭ ايتارلىقتاي كٶلەمٸن ساقتاۋعا مٷمكٸندٸك بەرەدٸ. 2025 جىلدىڭ سوڭىنداعى جاعداي بويىنشا ۇلتتىق قوردىڭ ۆاليۋتالىق اكتيۆتەرٸ شامامەن 63,9 ملرد اقش دوللارىن قۇراعان.
2026–2028 جىلدارى S&P ەكونوميكالىق ٶسٸم قارقىنىنىڭ بٸرشاما باياۋلاۋىن بولجاپ وتىر, الايدا ول ورتا مەرزٸمدٸ پەرسپەكتيۆادا شامامەن 4% دەڭگەيٸندە تۇراقتى ساقتالادى دەپ كٷتٸلەدٸ. بۇل فيسكالدىق ىنتالاندىرۋدىڭ قىسقارۋىنا جەنە 2026 جىلى مۇناي ٶندٸرۋ كٶلەمٸنٸڭ تٶمەندەۋٸنە بايلانىستى.
S&P پٸكٸرٸنشە, اقشا-نەسيە ساياساتىنىڭ نەگٸزدەرٸ بارعان سايىن تيٸمدٸ بولا تٷسۋدە. اگەنتتٸك ساراپشىلارى 2025 جىلدىڭ سوڭىندا ينفلياتسييانىڭ باياۋلاعانىن اتاپ ٶتٸپ, 2028–2029 جىلدارى ۇلتتىق بانكتٸڭ جٷرگٸزٸپ وتىرعان اقشا-نەسيە ساياساتى مەن بيۋدجەت تاپشىلىعىنىڭ قىسقارۋى نەتيجەسٸندە ينفلياتسييا ودان ەرٸ تٶمەندەيدٸ دەپ كٷتەدٸ.
سونداي-اق S&P ٷكٸمەت پەن قازاقستان ۇلتتىق بانكٸ اراسىنداعى اقشا-نەسيە ساياساتىن, ماكروپرۋدەنتسييالىق جەنە فيسكالدىق قۇرالداردى ٸسكە اسىرۋ مەسەلەلەرٸ بويىنشا ٷيلەستٸرۋدٸڭ كٷشەيگەنٸن ەرەكشە اتاپ ٶتتٸ.
ەسكە سالايىق, 2025 جىلعى تامىزدا S&P Global Ratings قازاقستان رەسپۋبليكاسىنىڭ ەگەمەندٸ كرەديتتٸك رەيتينگتەرٸ بويىنشا بولجامدى «تۇراقتى» دەڭگەيدەن «پوزيتيۆتٸ» دەڭگەيگە قايتا قاراپ, ۇزاق مەرزٸمدٸ جەنە قىسقا مەرزٸمدٸ رەيتينگتەردٸ «BBB-/A-3» دەڭگەيٸندە راستاعان بولاتىن.
سونىمەن بٸرگە اگەنتتٸك مۇناي كٸرٸستەرٸنٸڭ كٷرت ەرٸ ۇزاق مەرزٸمدٸ تٶمەندەۋٸ جاعدايىندا, ونىڭ ٸشٸندە كاسپيي قۇبىر كونسورتسيۋمى (كقك) قۇبىرى ۇزاق ۋاقىتقا ٸستەن شىقسا, ەگەمەندٸ رەيتينگتەر بويىنشا بولجام قايتا قارالۋى نەمەسە تٸپتٸ تٶمەندەتٸلۋٸ مٷمكٸن ەكەنٸن دە حابارلاعان.
