جىلدا كۇز كەلگەندە جرۆي مەن تۇماۋ ءورشيدى. 2019-2020 جىلعى ەپيدەميولوگيالىق ماۋسىمدا جرۆي اۋىرعان 431 120 ادام تىركەلدى، ونىڭ ىشىندە 2 جارىم مىڭنان استام ناۋقاس زەرتحانادا انىقتالعان تۇماۋعا شالدىققان. ونىڭ 284 033ء-ى نەمەسە 61،4 پايىزى 14 جاسقا تولماعان بالالار.
بيىل حالىقتى ۆاكسيناسيالاۋ اسا قاجەت، ويتكەنى كوروناۆيرۋس پاندەمياسى كەزىندە تۇماۋ دا ءورشۋى مۇمكىن، سول كەزدە ەلدەگى جاعدايدى تۇراقتاندىرۋ قيىن بولادى.
– بۇل جولى ەلىمىزدە ۆاكسيناسيانى جىلداعىدان ەكى اپتا بۇرىن باستايمىز. قازاقستان ءقاۋىپسىز، ءتيىستى زەرتحانالىق سىناقتاردان جانە باقىلاۋدان وتكەن، ساپالى ۆاكسينا ساتىپ العانىن كورسەتۋ ءۇشىن ءوزىم ءبىرىنشى بولىپ ەكپە سالدىردىم، – دەدى الەكسەي سوي.
ەستەرىڭىزگە سالا كەتەيىك، 2020 جىلى قازاقستاندا ەگۋ ناۋقانى 15 قىركۇيەك پەن 15 قاراشا ارالىعىندا وتەدى.
ءبىرىڭعاي ديستريبيۋتور حالىقتىڭ 10 پايىزىنان استامىن تەگىن ۆاكسيناسيالاۋ ءۇشىن رەسەيدە وندىرىلگەن «گريپپول+» ۆاكسيناسىنىڭ 2 ملن استام دوزاسىن ساتىپ الدى. ۆاكسينا قۇرامىندا تۇماۋدىڭ ءۇش شتاممى- ا(H3N2)، ا(H1N1) جانە ۆ قارسى انتيگەن بار.
قوعامدىق دەنساۋلىق ساقتاۋ باسقارماسى نۇر-سۇلتان قالاسى اكىمدىگىنىڭ «№6 قالالىق ەمحاناسى» شجق مكك-عا تۇماۋعا قارسى «گريپپول+» ۆاكسيناسىنىڭ 7200 دوزاسىن بولگەن.
ەمحاندا 3500 بالا، 3700 ەرەسەك، ونىڭ ىشىندە 468 جۇكتى ايەلدى، ديسپانسەرلىك ەسەپتە تۇرعان 2 582 ادام مەن 65 جاستان اسقان 519 ازاماتتى جانە 350 مەديسينا قىزمەتكەرىن ۆاكسيناسيالاۋ جوسپارلانۋدا.
«گريپپول +» ۆاكسيناسى تۇماۋعا قارسى ەرەكشە جوعارى يممۋنيتەت قالىپتاستىرادى.
ۆاكسيناسيا تاۋەكەل توبىنا كىرەتىن ادامدار ءۇشىن تەگىن، اتاپ ايتقاندا:
- مەكتەپ جاسىنا تولماعان جانە مەكتەپ جاسىنداعى بالالار؛
- مەديسينا قىزمەتكەرلەرى؛
- جۇكتى ايەلدەر (جۇكتىلىكتىڭ 2-3 تريمەسترى)؛
- جابىق مەكەمەلەردەگى ادامدار (بالالار ءۇيى، مەكتەپ-ينتەرناتتار؛
- سوزىلمالى اۋرۋى بار ەرەسەكتەر مەن بالالار؛
- 60 جاستان اسقان قارتتار.
ەلىمىزدە بۇگىندە تۇماۋعا قارسى ۆاكسيناسيادان باس تارتقاندار تىركەلگەن جوق.
