Jylda kúz kelgende JRVI men tumaý órshıdi. 2019-2020 jylǵy epıdemıologıalyq maýsymda JRVI aýyrǵan 431 120 adam tirkeldi, onyń ishinde 2 jarym myńnan astam naýqas zerthanada anyqtalǵan tumaýǵa shaldyqqan. Onyń 284 033-i nemese 61,4 paıyzy 14 jasqa tolmaǵan balalar.
Bıyl halyqty vaksınasıalaý asa qajet, óıtkeni koronavırýs pandemıasy kezinde tumaý da órshýi múmkin, sol kezde eldegi jaǵdaıdy turaqtandyrý qıyn bolady.
– Bul joly elimizde vaksınasıany jyldaǵydan eki apta buryn bastaımyz. Qazaqstan qaýipsiz, tıisti zerthanalyq synaqtardan jáne baqylaýdan ótken, sapaly vaksına satyp alǵanyn kórsetý úshin ózim birinshi bolyp ekpe saldyrdym, – dedi Alekseı Soı.
Esterińizge sala keteıik, 2020 jyly Qazaqstanda egý naýqany 15 qyrkúıek pen 15 qarasha aralyǵynda ótedi.
Biryńǵaı dıstrıbútor halyqtyń 10 paıyzynan astamyn tegin vaksınasıalaý úshin Reseıde óndirilgen «Grıppol+» vaksınasynyń 2 mln astam dozasyn satyp aldy. Vaksına quramynda tumaýdyń úsh shtammy- A(H3N2), A(H1N1) jáne V qarsy antıgen bar.
Qoǵamdyq densaýlyq saqtaý basqarmasy Nur-Sultan qalasy ákimdiginiń «№6 qalalyq emhanasy» SHJQ MKK-ǵa tumaýǵa qarsy «Grıppol+» vaksınasynyń 7200 dozasyn bólgen.
Emhanda 3500 bala, 3700 eresek, onyń ishinde 468 júkti áıeldi, dıspanserlik esepte turǵan 2 582 adam men 65 jastan asqan 519 azamatty jáne 350 medısına qyzmetkerin vaksınasıalaý josparlanýda.
«Grıppol +» vaksınasy tumaýǵa qarsy erekshe joǵary ımýnıtet qalyptastyrady.
Vaksınasıa táýekel tobyna kiretin adamdar úshin tegin, atap aıtqanda:
- mektep jasyna tolmaǵan jáne mektep jasyndaǵy balalar;
- medısına qyzmetkerleri;
- júkti áıelder (júktiliktiń 2-3 trımestri);
- jabyq mekemelerdegi adamdar (balalar úıi, mektep-ınternattar;
- sozylmaly aýrýy bar eresekter men balalar;
- 60 jastan asqan qarttar.
Elimizde búginde tumaýǵa qarsy vaksınasıadan bas tartqandar tirkelgen joq.
