مەجٸلٸس دەپۋتاتى قازىبەك يسا قازاق تٸلدٸ بالاباقشالار مەسەلەسٸن كٶتەردٸ. بٷگٸن مەجٸلٸستە ەلەۋمەتتٸك-دامۋ كوميتەتٸ مەكتەپكە دەيٸنگٸ بٸلٸم بەرۋ مەسەلەلەرٸن تالقىلاپ جاتىر, دەپ حابارلايدى dalanews.kz.
دەپۋتاتتىڭ سٶزٸنشە, نەمەرەلەرٸن ەلورداداعى ەكٸ بالاباقشاعا بەرگەن. الايدا ەكەۋٸندە دە بالالار ورىسشا سٶيلەي باستاعانىن بايقاپ, ولاردى باسقا جەرگە اۋىستىرۋعا شەشٸم قابىلداعان.
دەپۋتات مەسەلەنٸڭ مەن-جايىن انىقتاۋ ٷشٸن بالاباقشالارعا بارعانىن, بٸراق قىزمەتكەرلەر اراسىنان ٶزٸنە قازاق تٸلٸندە جاۋاپ بەرگەن ادام تاپپاعانىن جەتكٸزدٸ. كەيٸن نەمەرەلەرٸن دايارلىق ورتالىعىنا ورنالاستىرىپ, ول جاققا كٶڭٸلٸ تولعانىن ايتتى.
"ەكٸ بالاباقشادا دا قازاق جەنە ورىس تٸلٸندە دەپ جازىلعان. بٸراق قاراسام, نەمەرەلەرٸم ورىسشا سٶيلەي باستادى. "نەگە ولاي?" دەپ باردىم, ول جەردە ماعان قازاقشا جاۋاپ بەرەتٸن ادام تابىلمادى. بٸراق قازاق جەنە ورىس بٶلٸمٸ دەيدٸ. كٷزگٸ كەش بولدى. بالام ابايدىڭ ٶلەڭٸن جاتتاپ باردى, ودان ەشكٸم سۇراماپتى. ول جەردە بارلىعى ورىس تٸلٸندە. باسقا بالاباقشاعا بەردٸم. وندا دا سونداي. سول جاعالاۋدان قازاق تٸلدٸ بالاباقشا تاپپادىم", - دەدٸ ول.
وسى جاعدايدان كەيٸن قازىبەك يسا بالاباقشالارداعى تٸل مەسەلەسٸن زەرتتەي باستاعانىن مەلٸمدەدٸ. ونىڭ دەرەگٸنشە, بالاباقشالاردىڭ شامامەن 40 پايىزى قازاق تٸلٸندە, 30 پايىزى ورىس تٸلٸندە, تاعى 30 پايىزى ارالاس فورماتتا جۇمىس ٸستەيدٸ.
دەپۋتاتتىڭ پٸكٸرٸنشە, ارالاس بالاباقشالاردا وقۋ-تەربيە ٷدەرٸسٸ كٶبٸنە ورىس تٸلٸندە جٷرگٸزٸلەدٸ. سوندىقتان مەكتەپكە دەيٸنگٸ مەكەمەلەردە تەربيەنٸ مەملەكەتتٸك تٸلدە جٷرگٸزۋ تالابىن كٷشەيتۋ قاجەت. ول قازاق تٸلٸن مەڭگەرۋ بالاباقشادان باستالاتىنىن ايتتى.
