سوڭعى كەزدە ٷكٸمەت باسشىسى سمايىلوۆتىڭ جۇمىسىنا سىن ايتىپ, كٶڭٸلٸ تولمايتىندار كٶپ. تٸپتٸ, ساياسي ساحنادا «سمايىلوۆتىڭ ورنىنا تٷگەنشە كەلەدٸ ەكەن» دەگەن اقپاراتتىڭ شەتٸ جيٸ شىعىپ جاتادى.
وسى تۇستا كەيبٸر ينسايدەرلەر «ساياساتتا سالماعى جاعىنان «اۋىر» قانات بوزىمباەۆتىڭ مانساپ شىراعى ەلٸ سٶنە قويعان جوق» دەگەن پٸكٸردٸ ورتاعا سالدى دەپ جازادى Dalanews.kz.
ياعني, كٶپتەن بەرٸ كٶرٸنبەي كەتكەن بوزىمباەۆ ەڭ جاۋاپتى قىزمەت – پرەمەر-مينيستر لاۋازىمىنا دايىندىق ٷستٸندە كٶرٸنەدٸ. بٸراق بۇل مٷمكٸن بە? قاسىم-جومارت توقاەۆ باسشىلىق ەتكەن بەس جىلدا ونىڭ ەكٸمشٸلٸگٸ كادرلىق رەزەرۆ رەتٸندە پايدالانىلعانى راس پا? پرەزيدەنت كٶمەكشٸسٸ بولىپ تۇرعاندا بٸلٸكتٸ قىزمەتكەرلەردٸ ەڭ وسال جەرلەرگە جٸبەرٸپ, ٶزٸن كٶرسەتە الدى ما? جالپى, پرەزيدەنت ەكٸمشٸلٸگٸ كەيبٸر ساياساتكەرلەر ٷشٸن ۋاقىتشا پانا ما, ەلدە قۇتقارۋ ٷيٸ مە?
وسى ساۋالداردىڭ استارىنا ٷڭٸلسەك, مۇنىڭ دا جانى بار سيياقتى. سەبەبٸ, بۇل جەردەن كەتكەندەر لاۋازىمدى قىزمەتكە تاعايىندالادى نەمەسە تىپ-تىنىش زەينەتكە بٸر-اق كەتەدٸ.
الايدا, بۇل «كلۋبقا» كٸرۋ ەكٸنٸڭ بٸرٸنە بۇيىرماعان باق. مۇندا تەك ەڭ جاقىن, ەڭ سەنٸمدٸ ادامدارعا عانا ەسٸك اشىق. سونىڭ ٸشٸندە بوزىمباەۆ تا بار.
دەسەك تە, قاڭتار وقيعاسى كەزٸندە الماتى وبلىسىنىڭ ەكٸمٸ بولىپ تۇرعان قانات بوزىمباەۆ بٸراز سىن تەزٸنە الىندى. سول كەزدەگٸ وبلىس ورتالىعى –تالدىقورعان قالاسى شەرۋشٸلەرگە تولىقتاي بەرٸلٸپ, قيراپ قالدى. حالىق اراسىنا شىققاندا دا اۋزىنا تٷسكەن بوقتىق سٶزدٸ ايتىپ, ابىرويسىزدىققا ۇرىنعان. مٸنە, سودان كەيٸن 2 جىل بويى حابارسىز كەتكەن بوزىمباەۆ جۋرناليست-وليگارح ارمانجان بايتاسوۆقا بەرگەن سۇحباتىندا ايماقتاعى بار جاۋاپكەرشٸلٸكتٸ تاعدىردىڭ جازۋىنا جەنە بٷگٸندە سوتتالىپ كەتكەن الماتى وبلىستىق پوليتسييا باسقارماسىنىڭ ەكس-باسشىسى سەرٸك كٷدەباەۆتىڭ ەنشٸسٸنە قالدىرعان ەدٸ.
قازٸرگٸ ۋاقىتتا بوزىمباەۆ فۋنكتسيونالدىق جاعىنان تولىق تٷسٸنٸكسٸز پرەزيدەنت كەڭەسشٸسٸ لاۋازىمىندا. شاماسى, ونىڭ مانسابىنداعى مۇنداي ٷزٸلٸس ٶزٸ ٷشٸن كەرەك بولعان شىعار. بەلكٸم, «كٶزدەن كەتسە, كٶڭٸلدەن دە كەتەدٸ» دەمەكشٸ, حالىقتىڭ وعان دەگەن نەگاتيۆ كٶزقاراسىن ازايتىپ, جادىنان شىعا تۇرۋدىڭ امالى ما?
جالپى, قانات بوزىمباەۆ ەنەرگەتيكا مينيسترٸ جەنە پاۆلودار جەنە الماتى وبلىستارى ەكٸمٸ قىزمەتٸن جۇرت كٷتكەندەي باسقارا الماسا دا, قازٸرگٸ ٷكٸمەت قۇرامىنداعى ەڭ مىقتى مەملەكەتتٸك باسقارۋشىلاردىڭ بٸرٸ سانالدى.
«ونىڭ ٷستٸنە پرەزيدەنتتٸڭ بوزىمباەۆقا دەگەن سەنٸمٸ بٶلەكتەۋ جەنە ٶزٸنە ادال قىزمەتكەر دەپ بٸلەدٸ. ەڭ باستىسى, ەكەۋٸ دە ۇلى جٷزدٸڭ جالايىر رۋىنان ەكەنٸن ەسكەرگەن جٶن. قازاقتىڭ رۋشىلدىق دەرتٸ كٶبٸنەسە نۇرسۇلتان نازارباەۆتىڭ بيلٸگٸنە تەن دەسەك تە, «جاڭا قازاقستاندا» دا بۇل قۇبىلىستى تولىعىمەن جوققا شىعارۋعا بولمايدى-اۋ, سٸرە», - دەيدٸ ينسايدەرلەر.
سوندىقتان دا بوزىمباەۆتىڭ ٸشكٸ ساياساتتى جەتٸك بٸلۋٸ مەن مول تەجٸريبەسٸ باسىمدىققا يە بولىپ, ەلٸمٸزدٸڭ جاڭا پرەمەر-مينيسترٸ قىزمەتٸن اتقارۋىنا مٷمكٸندٸك سىيلاۋى دا مٷمكٸن عوي.
