Sońǵy kezde úkimet basshysy Smaiylovtyń jumysyna syn aityp, kóńili tolmaityndar kóp. Tipti, saiasi sahnada «Smaiylovtyń ornyna túgenshe keledi eken» degen aqparattyń sheti jii shyǵyp jatady.
Osy tusta keibir insaiderler «saiasatta salmaǵy jaǵynan «aýyr» Qanat Bozymbaevtyń mansap shyraǵy áli sóne qoiǵan joq» degen pikirdi ortaǵa saldy dep jazady Dalanews.kz.
Iaǵni, kópten beri kórinbei ketken Bozymbaev eń jaýapty qyzmet – premer-ministr laýazymyna daiyndyq ústinde kórinedi. Biraq bul múmkin be? Qasym-Jomart Toqaev basshylyq etken bes jylda onyń ákimshiligi kadrlyq rezerv retinde paidalanylǵany ras pa? Prezident kómekshisi bolyp turǵanda bilikti qyzmetkerlerdi eń osal jerlerge jiberip, ózin kórsete aldy ma? Jalpy, prezident ákimshiligi keibir saiasatkerler úshin ýaqytsha pana ma, álde qutqarý úii me?
Osy saýaldardyń astaryna úńilsek, munyń da jany bar siiaqty. Sebebi, bul jerden ketkender laýazymdy qyzmetke taǵaiyndalady nemese typ-tynysh zeinetke bir-aq ketedi.
Alaida, bul «klýbqa» kirý ekiniń birine buiyrmaǵan baq. Munda tek eń jaqyn, eń senimdi adamdarǵa ǵana esik ashyq. Sonyń ishinde Bozymbaev ta bar.
Desek te, Qańtar oqiǵasy kezinde Almaty oblysynyń ákimi bolyp turǵan Qanat Bozymbaev biraz syn tezine alyndy. Sol kezdegi oblys ortalyǵy –Taldyqorǵan qalasy sherýshilerge tolyqtai berilip, qirap qaldy. Halyq arasyna shyqqanda da aýzyna túsken boqtyq sózdi aityp, abyroisyzdyqqa urynǵan. Mine, sodan keiin 2 jyl boiy habarsyz ketken Bozymbaev jýrnalist-oligarh Armanjan Baitasovqa bergen suhbatynda aimaqtaǵy bar jaýapkershilikti taǵdyrdyń jazýyna jáne búginde sottalyp ketken Almaty oblystyq politsiia basqarmasynyń eks-basshysy Serik Kúdebaevtyń enshisine qaldyrǵan edi.
Qazirgi ýaqytta Bozymbaev fýnktsionaldyq jaǵynan tolyq túsiniksiz prezident keńesshisi laýazymynda. Shamasy, onyń mansabyndaǵy mundai úzilis ózi úshin kerek bolǵan shyǵar. Bálkim, «Kózden ketse, kóńilden de ketedi» demekshi, halyqtyń oǵan degen negativ kózqarasyn azaityp, jadynan shyǵa turýdyń amaly ma?
Jalpy, Qanat Bozymbaev Energetika ministri jáne Pavlodar jáne Almaty oblystary ákimi qyzmetin jurt kútkendei basqara almasa da, qazirgi úkimet quramyndaǵy eń myqty memlekettik basqarýshylardyń biri sanaldy.
«Onyń ústine Prezidenttiń Bozymbaevqa degen senimi bólekteý jáne ózine adal qyzmetker dep biledi. Eń bastysy, ekeýi de Uly júzdiń Jalaiyr rýynan ekenin eskergen jón. Qazaqtyń rýshyldyq derti kóbinese Nursultan Nazarbaevtyń biligine tán desek te, «Jańa Qazaqstanda» da bul qubylysty tolyǵymen joqqa shyǵarýǵa bolmaidy-aý, sirá», - deidi insaiderler.
Sondyqtan da Bozymbaevtyń ishki saiasatty jetik bilýi men mol tájiribesi basymdyqqa ie bolyp, elimizdiń jańa Premer-ministri qyzmetin atqarýyna múmkindik syilaýy da múmkin ǵoi.
