بۇگىن رەسپۋبليكا كۇنىنە وراي سىرىم اۋدانىندا 30 پاتەرلى تۇرعىن ءۇي كەشەنى پايدالانۋعا بەرىلدى، دەپ حابارلايدى Dalanews.kz.
كوكتەمدەگى سۋ تاسقىنى ولەڭتىدەگى ۇيلەرگە دە، الەۋمەتتىك نىساندارعا دا زاردابىن تيگىزدى. ارناسىنان اسقان وزەن سۋى اۋىلعا جايىلىپ، ا. بەردىعالييەۆ كوشەسىندەگى ءبىراز جاننىڭ جىلى پاناسى، كوپ جانۇيانىڭ قۇتتى مەكەنى بولعان جاتاقحانا كولكىگەن سۋدىڭ ورتاسىندا قالدى. . توتەنشە جاعداي ۋاعىندا زارداپ شەككەنى سەبەپتى نىسان قايتا سالىندى.
جاڭا كەشەن بۇرىنعى جاتاقحانانىڭ ىرگەسىنەن، ياعني ولەڭتى اۋىلى، ا. بەردىعالييەۆ كوشەسىنەن بوي كوتەردى.
البينا اليشيەۆا جەتەكشىلىك ەتەتىن “ShineProject” جوبالاۋشى كومپانياسى تۇرعىنجايدى اسەم ءارى ىڭعايلى جوبالادى. “ShineProject” ۇسىنعان سۋرەتتەگى عيماراتتى مەردىگەر “Profline Constraction” ج ش س 4 ايدا قالقايتىپ تۇرعىزدى.
سەرىكتەستىك ەڭ بىلىكتى قۇرىلىسشىلاردى، شىنايى شەبەرلەردى، كاسىبي بريگادالاردى جۇمىسقا تارتتى.
تاڭنىڭ اتىسىنان كۇننىڭ باتىسىنا دەيىن مىگىرسىز قىزمەت ەتكەن قۇرىلىسشىلار “ماشيناسى” 30 پاتەرلىك تۇرعىن ءۇي كەشەنىنىڭ قۇرىلىسىن جىلىتۋ ماۋسىمىنا دەيىن اياقتاپ ۇلگەردى. مىنە، ءقازىر ا. بەردىعالييەۆ كوشەسىندەگى جاتاقحانادان بولەك، جىمپيتىداعى قولعاناتوۆ كوشەسىندەگى اپاتتى كۇيدە تۇرعان ءۇي- جايدىڭ تۇرعىندارى دا جاڭا شاڭىراققا كوشىپ كەلىپ جاتىر. 60 - قا جۋىق وقۋشى كانيكۋلدان كەيىن مەكتەپتەرىنە جاڭا ۇيدەن بارادى.
ايتا كەتەيىك، نىساننىڭ جالپى كولەمى - 1353،6 شارشى مەتر. ءبىر پاتەرلى تۇرعىن ءۇيدىڭ مەنشىگى 45،12 شارشى مەتردى قۇرايدى. ونىڭ جارتىسى - تۇرعىن الاڭى. ءار ءۇيدىڭ ءوزىنىڭ دەربەس اس ءۇيى، قازاندىعى جانە سانيتارلىق تورابى بار. جوبانىڭ قۇنى - 651 مون تەڭگە. 
جاڭا تۇرعىن ءۇي كەشەنىنە “بىرلىك” دەگەن اتاۋ بەرىلدى. ءۇي اۋلاسىندا بالالارعا ويىن الاڭى دا سالىنعان.
"سىرىم اۋدانى عانا ەمەس، بيىل قازاقستان رەسپۋبليكاسىنىڭ ءبىرقاتار وڭىرلەردى توپان سۋدىڭ توپالاڭىن تارتتى. تاسقىن كەزىندە تۇرعىن ۇيلەرىمىز قيراعانمەن، تۇتاستىعىمىز بۇزىلعان جوق. حالىقتىڭ بىرلىگىنىڭ ارقاسىندا سىندارلى كۇندەردەن سىنباي وتتىك. ولەڭتىدەگى تۇرعىن ءۇي كەشەنىن “بىرلىك” دەپ اتادىق. بۇل، ەلدىڭ بىرلىگىنە دەگەن قۇرمەت!"، - دەدى سىرىم اۋدانىنىڭ اكىمى جۇماگەلدى باتىرنيازوۆ قۇتتىقتاۋ لەبىزىندە.
وسى سياقتى مەردىگەر “Profline Constraction” ج ش س ديرەكتورى تالعات قاينەكەشوۆ اۋىل حالقىنا جاڭا باسپانالاردىڭ يگىلىگىن تىلەدى. تالعات بوريس ۇلى قۇرىلىس سالاسىندا عانا ەمەس، ءماسليحات دەپۋتاتى رەتىندە دە قوعامدىق - ساياسي ومىردە دە حالىق تاراپىنىڭ وكىلى رەتىندە بەلگىلى.
"تۇرعىن ءۇي كەشەنىندە كوپ بالالى انالار، الەۋمەتتىك جاعدايى ءالجۋاز توپتاعى جانۇيالار تۇراتىنىن تۇسىندىك. جەدەل ۋاقىتتا ساپالى دۇنيە جاسادىق دەپ ويلايمىن"، - دەدى ول.
سالتاناتتى كىلت تابىستاۋ راسىمىنەن كەيىن “Profline Constraction” ج ش س قۇرىلىسشىلارى قانات ناسەنوۆ، تۇراربەك بيسەنوۆ، داۋلەت تولەۋوۆ جانە ““ShineProject” جوبالاۋشى كومپانياسىنىڭ وكىلى ەلەنا بروۆكينا اۋدان باسشىسىنىڭ العىس حاتىمەن ماراپاتتالدى.
جاڭا كەشەن 30 - عا تارتا وتباسىنىڭ باسپانا ماسەلەسىن شەشىپ وتىر. كىلتكە يە بولعاندار اراسىندا باقىتجانوۆ دانيار سەكىلدى جاس ماماندار دا بار. دانيار سىرىم اۋداندىق پوليسيا بولىمىندە ۋچاسكەلىك پوليسيا ينسپەكتورى بولىپ ەڭبەك ەتەدى.
باۋىرجان شيرمەدين ۇلى،
سىرىم اۋدانى
