Búgin Respýblika kúnine orai Syrym aýdanynda 30 páterli turǵyn úi kesheni paidalanýǵa berildi, dep habarlaidy Dalanews.kz.
Kóktemdegi sý tasqyny Óleńtidegi úilerge de, áleýmettik nysandarǵa da zardabyn tigizdi. Arnasynan asqan ózen sýy aýylǵa jaiylyp, A. Berdiǵaliev kóshesindegi biraz jannyń jyly panasy, kóp januianyń qutty mekeni bolǵan jataqhana kólkigen sýdyń ortasynda qaldy. . Tótenshe jaǵdai ýaǵynda zardap shekkeni sebepti nysan qaita salyndy.
Jańa keshen burynǵy jataqhananyń irgesinen, iaǵni Óleńti aýyly, A. Berdiǵaliev kóshesinen boi kóterdi.
Albina Alisheva jetekshilik etetin “ShineProject” jobalaýshy kompaniiasy turǵynjaidy ásem ári yńǵaily jobalady. “ShineProject” usynǵan sýrettegi ǵimaratty merdiger “Profline Constraction” JShS 4 aida qalqaityp turǵyzdy.
Seriktestik eń bilikti qurylysshylardy, shynaiy sheberlerdi, kásibi brigadalardy jumysqa tartty.
Tańnyń atysynan kúnniń batysyna deiin migirsiz qyzmet etken qurylysshylar “mashinasy” 30 páterlik turǵyn úi kesheniniń qurylysyn jylytý maýsymyna deiin aiaqtap úlgerdi. Mine, qazir A. Berdiǵaliev kóshesindegi jataqhanadan bólek, Jympitydaǵy Qolǵanatov kóshesindegi apatty kúide turǵan úi- jaidyń turǵyndary da jańa shańyraqqa kóship kelip jatyr. 60 - qa jýyq oqýshy kanikýldan keiin mektepterine jańa úiden barady.
Aita keteiik, nysannyń jalpy kólemi - 1353,6 sharshy metr. Bir páterli turǵyn úidiń menshigi 45,12 sharshy metrdi quraidy. Onyń jartysy - turǵyn alańy. Ár úidiń óziniń derbes as úii, qazandyǵy jáne sanitarlyq toraby bar. Jobanyń quny - 651 mon teńge. 
Jańa turǵyn úi keshenine “Birlik” degen ataý berildi. Úi aýlasynda balalarǵa oiyn alańy da salynǵan.
"Syrym aýdany ǵana emes, biyl Qazaqstan Respýblikasynyń birqatar óńirlerdi topan sýdyń topalańyn tartty. Tasqyn kezinde turǵyn úilerimiz qiraǵanmen, tutastyǵymyz buzylǵan joq. Halyqtyń birliginiń arqasynda syndarly kúnderden synbai óttik. Óleńtidegi turǵyn úi keshenin “Birlik” dep atadyq. Bul, eldiń birligine degen qurmet!", - dedi Syrym aýdanynyń ákimi Jumageldi Batyrniiazov quttyqtaý lebizinde.
Osy siiaqty merdiger “Profline Constraction” JShS direktory Talǵat Qainekeshov aýyl halqyna jańa baspanalardyń igiligin tiledi. Talǵat Borisuly qurylys salasynda ǵana emes, máslihat depýtaty retinde de qoǵamdyq - saiasi ómirde de halyq tarapynyń ókili retinde belgili.
"Turǵyn úi kesheninde kóp balaly analar, áleýmettik jaǵdaiy áljýaz toptaǵy januialar turatynyn túsindik. Jedel ýaqytta sapaly dúnie jasadyq dep oilaimyn", - dedi ol.
Saltanatty kilt tabystaý rásiminen keiin “Profline Constraction” JShS qurylysshylary Qanat Nasenov, Turarbek Bisenov, Dáýlet Tóleýov jáne ““ShineProject” jobalaýshy kompaniiasynyń ókili Elena Brovkina aýdan basshysynyń alǵys hatymen marapattaldy.
Jańa keshen 30 - ǵa tarta otbasynyń baspana máselesin sheship otyr. Kiltke ie bolǵandar arasynda Baqytjanov Daniiar sekildi jas mamandar da bar. Daniiar Syrym aýdandyq politsiia bóliminde ýchaskelik politsiia inspektory bolyp eńbek etedi.
Baýyrjan ShIRMEDINULY,
Syrym aýdany
