اتاپ ايتار بولساق، 2015-2017 جىلداردىڭ ارالىعىندا قۇراما جەم زاۋىتى، ءۇي قۇرىلىسى كومبيناتى سەكىلدى 4 بىردەي كاسىپورىن اشىلىپ، 400-دەي ادام جۇمىسپەن قامتىلعان.
ءوڭىر باسشىلىعى ۇدەمەلى دامۋدىڭ ەكىنشى 5 جىلدىعىندا ايماقتاعى تەحنيكالىق ماماندارعا دەگەن سۇرانىستى 5 مىڭعا دەيىن ارتتىرۋدى كوزدەپ وتىر.
ايتالىق، الداعى ۋاقىتتا ارال اۋدانىندا سالىناتىن كالسييلەندىرىلگەن سودا شىعارۋ زاۋىتىنا پوليمەر، تەحنولوگ-حيميكتەر اۋاداي قاجەت. ال قاراتاۋدىڭ قويناۋىنداعى قورعاسىن-مىرىش جانە ۆاناديي كەنىشتەرىن يگەرۋگە ينجەنەر-مەتاللۋرگتەر كەرەك.
بۇل ورايدا قاجەتتى مامانداردى شەتەلدەن اكەلمەۋ ماقساتىندا ايماق جاستارى 3 جىلدان بەرى رەسەيدىڭ وزىق تەحنيكالىق وقۋ ورىندارىندا ءبىلىم الىپ جاتىر.
جەرگىلىكتى مامانداردىڭ العاشقى لەگى ءوڭىر كاسىپورىندارىنا كەلەسى جىلدان باستاپ جۇمىسقا قابىلدانا باستايدى.
ايماقتىق وبلىستىق يندۋستريالدى-يننوۆاسيالىق دامۋ باسقارماسى باسشىسىنىڭ ورىنباسارى جانار بەردەنوۆانىڭ ايتۋىنشا، ازىرگى كۇنى نەگىزىنەن تاۋ-كەن ءىسى، ماشينا جاساۋ، مەتاللۋرگيا سالاسىنىڭ ماماندارى مەن ءوندىرىستى اۆتوماتتاندىرۋ سالاسى بويىنشا ماماندار دايارلانۋدا.
ال الداعى جىلى ىسكە قوسىلاتىن شىنى زاۋىتىنا بىلىكتى مامانداردى ازىرلەۋ ءۇشىن قىزىلوردا قالاسىنداعى ابدىكارىموۆ اتىنداعى اگروتەحنيكالىق كوللەدجدە شىنى بالقىتۋ ماماندىعى اشىلىپ، وقىتۋ جۇمىستارى جۇرگىزىلۋدە.
ايتا كەتەلىك، شىنى زاۋىتىنا 180-دەي جاڭا شىنى كەسەتىن جانە بالقىتاتىن ماماندار قاجەت. وسى جەردە وقۋىن بىتىرگەن ماماندار شىنى زاۋىتىنا جۇمىسقا الىناتىن بولادى.
