الاتاۋ اۋدانىنىڭ تۇرعىندارىمەن كەزدەسۋ بارىسىندا الماتى ەكٸمٸ ەربولات دوساەۆ قالادا شۇڭقىرلاردى جٶندەۋدٸ جٷزەگە اسىراتىن مەردٸگەرلٸك ۇيىمدارعا باقىلاۋ كٷشەيتٸلەتٸنٸن مەلٸمدەدٸ,– دەپ حابارلايدى Dalanews.kz
اعىمداعى جٶندەۋ كەزٸندە جولاۋشىلار بٸرنەشە كٷن بويى ويىلعان شۇڭقىرلاردى نەگە قالدىرادى دەگەن سۇراققا جاۋاپ بەرە وتىرىپ, قالا باسشىسى موبيلدٸلٸك باسقارماسىنىڭ (قمب) باسشىسى ساعىندىق تەلٸباەۆتى ورنىنان تۇرعىزدى.
«رەگلامەنت بويىنشا, ەگەر اسفالت كەسٸلسە, ول جۇمىس كٷنٸنٸڭ سوڭىنا دەيٸن قالپىنا كەلتٸرٸلۋٸ تيٸس», – دەدٸ قمبم باسشىسى ساعىندىق تەلٸباەۆ.
قالا ەكٸمٸ كەلٸسٸمشارتتىق مٸندەتتەمەلەردە بۇل نورمالار جازىلعانىن, بٸراق بارلىق مەردٸگەرلەر اسفالتتىڭ ۋاقىتىندا جەتكٸزٸلمەگەنٸن نەمەسە تەحنيكانىڭ جەتكٸلٸكسٸز ەكەنٸن ايتىپ, وسى تالاپتاردى ورىنداي بەرمەيتٸنٸن اتاپ ٶتتٸ.
«ياعني, رەگلامەنت بار, دەمەك شۇڭقىرلاردى جٶندەۋگە جاۋاپتى اۋداندىق ەكٸمدٸكتەر بۇل مەسەلەگە باقىلاۋدى كٷشەيتەدٸ», - دەدٸ ەربولات دوساەۆ.
سونداي-اق, قالا باسشىسى بارلىق وسىنداي جاعدايلار بويىنشا قالا تۇرعىندارى «ە-Otinish», «Open Almaty» ەكٸمدٸگٸنٸڭ قوعامدىق قابىلداۋى نەمەسە جول ينفراقۇرىلىمىنا ارنالعان Almaty_Joly ارنايى Telegram-ارناسىنىڭ @almatyjolybot چات-بوتى ارقىلى حابارلاسا الاتىنىن ايتتى.
