شۋداعى مۇراجاي جاڭا عيماراتقا كٶشپەك
توعىز جولدىڭ تورابىنان ويىپ ورىن العان دەل وسى شۋ ٶلكەسٸنٸڭ تاس دەۋٸرٸنەن بەرگٸ تاريحىنان سىر شەرتەتٸن اتالمىش مۇراجاي وسىدان تۋرا 32 جىل بۇرىن قوعامدىق نەگٸزدە پايدالانۋعا بەرٸلگەن. شۋداعى قۇندى جەدٸگەرلەردٸڭ جالعىز وشاعى سانالعان بۇل مۋزەي اشىلعاننان كەيٸن اراعا ون جىل سالىپ, وتقا ورانادى. سٶيتٸپ, جالىن شارپىعان عيماراتتاعى قۇندى جەدٸگەرلەردٸڭ بٸراز بٶلٸگٸ كەلمەسكە كەتكەن. بۇدان سوڭ, مۇراجايداعى تٶرت مىڭعا جۋىق جەدٸگەر ٸرگەسٸ 1914 جىلى قالانعان ەسكٸلەۋ عيماراتقا ورنالاستىرىلادى. مۋزەيدٸڭ ايانىشتى حەلٸ بۇنىمەن بٸتكەن جوق. بٸرەر جىلدان سوڭ, اۋداننىڭ اتقامٸنەرلەرٸ 100 جىلدىق تاريحى بار بۇل عيماراتتى سلاۆيان قاۋىمداستىعىنىڭ شٸركەۋٸنە بەرۋ تۋرالى شەشٸم شىعارادى دا, سودان كەيٸنگٸ تٶرت جىلداي ۋاقىت مۇراجاي قاراۋسىز قالىپ, جەتٸم بالانىڭ كٷيٸن كەشكەن. كەيٸننەن, ونداعى جەدٸگەرلەردٸڭ جارتىسى ەسكٸ مەكەن-جايدا قالىپ, قالعانى اۋداندىق ٶنەر مەكتەبٸنٸڭ ەكٸ بٶلمەسٸنە جايعاستىرىلادى. سونىمەن نە كەرەك, سول كەزدەگٸ اۋدان ەكٸمٸ باقىتجان نۇركەنوۆتىڭ تٸكەلەي ارالاسۋىمەن 2014 جىلى جەرگٸلٸكتٸ بيۋدجەت ەسەبٸنەن اۋدان ورتالىعى تٶلە بي اۋىلىنداعى توزىعى جەتكەن «قاراكٶز» مەيرامحاناسى 3 ميلليون 700 مىڭ تەڭگەگە ساتىپ الىنىپ, مۇراجاي سوندا كٶشٸرٸلمەك بولادى. الايدا, ونىڭ قۇرىلىس جۇمىستارى جالعاسىن تاپپاي, ۇزاق ۋاقىت تۇرالاپ قالعان.
بٸر قۋانارلىعى, شۋلىق شەندٸلەر دەل وسى مۋزەي مەسەلەسٸنە شەكەدەن قاراماي, ٶتكەن جىلى مۇراجايعا ارنالعان عيماراتتىڭ كٷردەلٸ جٶندەۋ جۇمىستارىن باستاپ تا كەتكەن بولاتىن. بايقاعانىمىزداي, جاڭا عيماراتتاعى قۇرىلىس جۇمىستارى قارقىندى جٷرۋدە. ال, اۋداندىق تاريحي-ٶلكەتانۋ مۇراجايىنىڭ قىزمەتكەرلەرٸنٸڭ ايتۋىنشا, تۇرعىنداردىڭ دەنٸ اۋداندا مۇراجايدىڭ بار ەكەندٸگٸنەن حابارسىز كٶرٸنەدٸ. «تاريحى تەرەڭدە جاتقان ٶڭٸردٸڭ ٶتكەنٸنەن سىر شەرتەتٸن مۇراجايى بولماۋى مٷمكٸن ەمەس, ەرينە. دەگەنمەن, اۋدان تۇرعىندارىنىڭ كٶبٸسٸ بٸزدٸڭ مۇراجاي تۋرالى بٸلمەيدٸ. وعان باستى سەبەپ - تۇراقتى عيماراتتىڭ جوقتىعى ەكەنٸ بەلگٸلٸ. ەندٸ مٸنە, باعىمىزعا وراي, جاڭا عيماراتىمىز جٶندەۋدەن ٶتٸپ جاتىر. سەتٸن سالسا, جۋىق ارادا سوندا قونىس اۋدارماقشىمىز. قازٸر مۇندا نەبەرٸ 3 جۇمىسشى بار بولسا, جاڭا نىسانعا كٶشكەن سوڭ, قىزمەتكەرلەردٸڭ سانى دا ارتپاق», - دەيدٸ ولار.
تاعى بٸر ايتا كەتەرلٸگٸ, قازٸرگٸ كەزدە الاقانداي عانا ەكٸ بٶلمەدە وتىرعان مۋزەيدٸڭ قورىنداعى 4 مىڭنان اسا جەدٸگەردٸڭ تەك ٷش مىڭعا جۋىعى عانا كەلۋشٸلەردٸڭ نازارىنا ۇسىنىلىپ كەلسە, جاڭا عيماراتتا قولدا بار قۇندى زاتتاردىڭ بارلىعىن دا قوناقتارعا كٶرسەتۋگە مٷمكٸندٸك بار. سونداي-اق, جاڭا نىسان پايدالانۋعا بەرٸلگەن سوڭ, قولدارىنداعى قۇندى جەدٸگەرلەرٸن مۇراجايعا ٶتكٸزۋگە نيەت تانىتىپ وتىرعان تۇرعىندار دا بار ەكەن.
