بىلتىر باسى داۋدان ارىلماي قويعان مەدەنيەت جەنە سپورت مينيسترٸ ارىستانبەك مۇحامەديۇلى ششۋچينسك قالاسىنداعى رەسپۋبليكالىق شاڭعى سپورتى بازاسىنا ترامپلين سالىپ, ونى 2016 جىلى پايدالانۋعا بەرۋگە ۋەدە ەتكەن بولاتىن. الايدا, بيۋدجەتتٸڭ ميللياردتاعان قارجىسى جۇمسالعان وسىناۋ نىسان ساقالدى قۇرىلىسقا اينالىپ, ەلٸگە دەيٸن اياقتالماي تۇر.
بٷگٸن مينيسترگە ساۋال جولداعان مەجٸلٸس دەپۋتاتى دانييا ەسپاەۆا اتالعان ترامپليننٸڭ قۇنى باستاپقى باعاسىنان ٷش ەسەگە دەيٸن ٶسكەنٸن ايتتى. سوعان قاراماستان, نىسان ۋەدە ەتٸلگەن ۋاقىتتا پايدالانۋعا بەرٸلگەن جوق.
"2015 جىلدىڭ مامىر ايىندا سٸز (قر مەدەنيەت جەنە سپورت مينيسترٸ - اۆت.) بىلاي ايتقان ەدٸڭٸز: "نىسان قازٸر 90 پايىزعا دايىن. تەك ترامپليندٸ اياقتاۋ كەرەك". سول سٶزٸڭٸزدە 2016 جىلدىڭ 1 قاڭتارىندا نىساندى پايدالانۋعا بەرۋگە ۋەدە بەردٸڭٸز. كەيٸن 2016 جىلدىڭ 23 اقپانىندا ششۋچينسكتەگٸ حالىقارالىق شاڭعى سپورتى ورتالىعى جىل سوڭىنا دەيٸن پايدالانۋعا بەرٸلەدٸ دەپ تاعى ۋەدە بەردٸڭٸز. ال, 2016 جىلدىڭ قىركٷيەك ايىندا مينيسترلٸك اتالعان جوبانىڭ بيۋدجەتٸن تاعى 23 ملرد تەڭگەگە ۇلعايتتى. ەگەر نىسان قۇرىلىسى 90 پايىزعا اياقتالعان بولسا سونشاما كٶپ قاراجاتتى قايدا جۇمسادىڭىزدار? قالعان 10 پايىزدى اياقتاۋ ٷشٸن جوبانىڭ نەگٸزگٸ قۇنىنان تاعى 2,5 ەسەگە كٶپ قاراجات راسىمەن دە قاجەت بولدى ما?", - دەدٸ دەپۋتات ٶز ساۋالىندا.
دانييا ەسپاەۆانىڭ ايتۋىنشا, قۇرىلىسى 2005 جىلى باستالعان جوبانىڭ العاشقى قۇنى 9 ملرد 346 ميلليون تەڭگەنٸ قۇراعان ەكەن. 2008 جىلى ول اياقتالۋى تيٸس بولاتىن. الايدا, 2009 جىلى بيۋدجەتكە تٷزەتۋ ەنگٸزٸلٸپ, جوبانىڭ قۇنى 15 ملرد 244 ملن تەڭگەگە ۇلعايدى. ال, بيۋدجەتتٸك كوميسسييانىڭ شەشٸمٸمەن 2016 جىلدىڭ قىركٷيەگٸندە جوبالىق-سمەتالىق قۇجاتقا تاعى ٶزگەرتۋلەر ەنگٸزٸلٸپ, نىسان قۇنى 38 ملرد 531 ميلليون تەڭگەگە ٶسكەن. وسىلايشا, بٸر عانا ترامپليننٸڭ قۇرىلىسىنا كەتكەن قاراجاتقا 30 مەكتەپ پەن اۋرۋحانا سالۋعا بولار ەدٸ.
دەرەككٶز: SN.kz
