ورتالىق جۇيكە جۇيەسىنىڭ پاتولوگياسى بار شقو پاسيەنتتەرى ءۇشىن حيرۋرگيالىق ەمگە بالاما ەم الۋدىڭ بىرەگەي مۇمكىندىگى پايدا بولدى، دەپ حابارلايدى Dalanews.kz.
ول ستەرەوتاكتيكالىق راديوحيرۋرگيا (گامما-پىشاق) جانە راديوتەراپيا دەپ اتالادى.
بۇل جوعارى تەحنولوگيالىق ءادىستى شقو ونكولوگيا جانە حيرۋرگيا كوپسالالى ورتالىعىنىڭ ماماندارى ميدىڭ قاتەرلى ىسىگىن جانە سۇيەك مەتاستارىن ەمدەۋ ءۇشىن قولدانادى. بۇل ونكولوگيالىق ورتالىققا 2022 جىلى ساتىلىپ الىنعان جاڭا بۋىندى سىزىقتىق ۇدەتكىشتىڭ ارقاسىندا مۇمكىن بولدى.
ونكولوگيالىق ورتالىقتا وسى ءادىستى قولدانۋ اياسىن كەڭەيتۋ ءۇشىن ونكولوگتار مەن شقو مامانداندىرىلعان مەديسينالىق ورتالىعى نەيروحيرۋرگتارى قاتىسقان دوڭگەلەك ۇستەل ءوتتى، وندا ونكولوگيالىق جانە نەيروحيرۋرگيالىق اۋرۋلارى بار پاسيەنتتەر ءۇشىن ستەرەوتاكتيكالىق راديوحيرۋرگيا مەن راديوتەراپيانىڭ ارتىقشىلىعى تالقىلاندى.
دوڭگەلەك ۇستەلگە قاتىسۋشىلار پاسيەنتتەردى مەديسينالىق قىزمەتتەردىڭ وسى تۇرلەرىن الۋعا جىبەرۋدىڭ اسپەكتىلەرىن قاراستىرىپ، ىنتىماقتاسا جۇمىس ىستەۋگە كەلىستى.
نەيروحيرۋرگتەر ساۋلەلىك تەراپيا ورتالىعىنىڭ جۇمىسىمەن جانە ساۋلەلىك تەراپيا مەن دياگنوستيكا جۇرگىزۋگە ارنالعان زاماناۋي جابدىقتارمەن تانىستى.
