Ortalyq júıke júıesiniń patologıasy bar SHQO pasıentteri úshin hırýrgıalyq emge balama em alýdyń biregeı múmkindigi paıda boldy, dep habarlaıdy Dalanews.kz.
Ol stereotaktıkalyq radıohırýrgıa (gamma-pyshaq) jáne radıoterapıa dep atalady.
Bul joǵary tehnologıalyq ádisti SHQO onkologıa jáne hırýrgıa kópsalaly ortalyǵynyń mamandary mıdyń qaterli isigin jáne súıek metastaryn emdeý úshin qoldanady. Bul onkologıalyq ortalyqqa 2022 jyly satylyp alynǵan jańa býyndy syzyqtyq údetkishtiń arqasynda múmkin boldy.
Onkologıalyq ortalyqta osy ádisti qoldaný aıasyn keńeıtý úshin onkologtar men SHQO mamandandyrylǵan medısınalyq ortalyǵy neırohırýrgtary qatysqan dóńgelek ústel ótti, onda onkologıalyq jáne neırohırýrgıalyq aýrýlary bar pasıentter úshin stereotaktıkalyq radıohırýrgıa men radıoterapıanyń artyqshylyǵy talqylandy.
Dóńgelek ústelge qatysýshylar pasıentterdi medısınalyq qyzmetterdiń osy túrlerin alýǵa jiberýdiń aspektilerin qarastyryp, yntymaqtasa jumys isteýge kelisti.
Neırohırýrgter Sáýlelik terapıa ortalyǵynyń jumysymen jáne sáýlelik terapıa men dıagnostıka júrgizýge arnalǵan zamanaýı jabdyqtarmen tanysty.
