شىعىس قازاقستان وبلىسىندا كٷن سايىن 10-نان استام دالا ٶرتٸ تٸركەلۋدە.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ٶڭٸردە ٶرت قاۋپٸ جوعارى ماۋسىم باستالعالى قۇتقارۋشىلار كٷشەيتٸلگەن رەجيمدە جۇمىس ٸستەۋدە. كٷنٸنە شامامەن 10-15 رەت دالا ٶرتٸ تٸركەلەدٸ, دەپ حابارلايدى Dalanews.kz.
«جاعدايدى تۇراقتاندىرۋ جەنە تۇرعىندارعا ٶرت قاۋٸپسٸزدٸگٸ ەرەجەلەرٸن تٷسٸندٸرۋ ٷشٸن ماماندار مەن ەرٸكتٸلەر جيٸ وت شىعاتىن ساياجايلارعا پروفيلاكتيكالىق رەيدكە شىقتى. حالىققا جازدا اۋماقتاردا قاۋٸپسٸزدٸكتٸ قالاي قامتاماسىز ەتۋ كەرەكتٸگٸ تٷسٸندٸرٸلدٸ. قۇتقارۋشىلار دروندى دا پايدالانۋدا. سونىڭ ارقاسىندا 200 مەترگە دەيٸنگٸ بيٸكتٸكتەگٸ ٶرتتٸ جىلدام انىقتاۋعا بولادى», - دەلٸنگەن اقپاراتتا.
رەيد نەتيجەسٸندە ٶرت قاۋٸپسٸزدٸگٸ ەرەجەلەرٸن بۇزعان 1 ادام قر ەقبتك-نٸڭ 410-بابى بويىنشا ەكٸمشٸلٸك جاۋاپكەرشٸلٸككە تارتىلدى.
«باستى مٸندەتٸمٸز – ٸرٸ ٶرتتەردٸڭ, ادام شىعىنىنىڭ الدىن الۋ. كەيدە ازاماتتار ساياجايداعى كٶرشٸسٸنٸڭ وت جاعۋىنان زارداپ شەگەدٸ. سول ٷشٸن بٸز ٶرتتٸڭ قانشالىقتى قاۋٸپتٸ ەكەنٸن جەنە قاۋٸپسٸزدٸك شارالارىن قالاي ساقتاۋ كەرەكتٸگٸن تٷسٸندٸرۋدەمٸز», - دەيدٸ دەپارتامەنتتٸڭ مەملەكەتتٸك ٶرت باقىلاۋ باسقارماسىنىڭ باستىعى نۇرجان ٶمٸرجانوۆ.
