Shyǵys Qazaqstan oblysynda kún saiyn 10-nan astam dala órti tirkelýde.
ShQO Tótenshe jaǵdailar departamenti baspasóz qyzmetiniń málimetine súiensek, óńirde órt qaýpi joǵary maýsym bastalǵaly qutqarýshylar kúsheitilgen rejimde jumys isteýde. Kúnine shamamen 10-15 ret dala órti tirkeledi, dep habarlaidy Dalanews.kz.
«Jaǵdaidy turaqtandyrý jáne turǵyndarǵa órt qaýipsizdigi erejelerin túsindirý úshin mamandar men eriktiler jii ot shyǵatyn saiajailarǵa profilaktikalyq reidke shyqty. Halyqqa jazda aýmaqtarda qaýipsizdikti qalai qamtamasyz etý kerektigi túsindirildi. Qutqarýshylar drondy da paidalanýda. Sonyń arqasynda 200 metrge deiingi biiktiktegi órtti jyldam anyqtaýǵa bolady», - delingen aqparatta.
Reid nátijesinde órt qaýipsizdigi erejelerin buzǵan 1 adam QR ÁQBtK-niń 410-baby boiynsha ákimshilik jaýapkershilikke tartyldy.
«Basty mindetimiz – iri órtterdiń, adam shyǵynynyń aldyn alý. Keide azamattar saiajaidaǵy kórshisiniń ot jaǵýynan zardap shegedi. Sol úshin biz órttiń qanshalyqty qaýipti ekenin jáne qaýipsizdik sharalaryn qalai saqtaý kerektigin túsindirýdemiz», - deidi departamenttiń memlekettik órt baqylaý basqarmasynyń bastyǵy Nurjan Ómirjanov.
