ءسۇت فەرمالارى سالىنىپ، جۇمىس ىستەپ تۇرعاندارى جوندەۋدەن ءوتىپ، ءونىمنىڭ قۋاتتىلىعى ارتىپ، بولاشاقتا ەلىمىز ىشىندەگى وتكىزۋ نارىقتارىن كەڭەيتۋ، ەكسپورت كولەمىن ارتتىرماق.
سوڭعى بەس جىل ىشىندە وڭىردە 9 مىڭ باس ساۋىن تابىنىنا ارنالعان 38 ءسۇت-تاۋار فەرماسى سالىنىپ، رەكونسترۋكسيالاندى، ءسۇت قابىلدايتىن 70 پۋنكت اشىلدى.
ينۆەستيسيالار كولەمى ارتىپ، حالىقتان ساتىپ الۋ كولەمى ۇلعايدى. ءسۇت وڭدەۋ كاسىپورىندارىنىڭ قۋاتتىلىعى ءۇش ەسەگە جۋىق ارتتى.
2015 جىلدان باستاپ ءوسىم 29-دان 96 پايىزعا دەيىن ءوستى. جانە الەمدىك ستاندارتتارعا باسا نازار اۋدارىپ، شيكىزاتتىڭ قىشقىلدىلىعىن ازايتىپ، ءوندىرىستى زاماناۋي تەحنولوگيالارعا سايكەستەندىرۋ جۇزەگە اسۋدا. ناتيجەسىندە ءسۇت ونىمدەرىن قازاقستاننىڭ باسقا ايماقتارىنا عانا ەمەس، كورشى ەلدەرگە دە ەكسپورتتاۋعا مۇمكىندىك تۋماق.
ءسۇت قۇرامى مەن تابيعي قۇرىلىمى بويىنشا جەر بەتىندەگى بارلىق تىرشىلىك يەلەرىن تاماقتاندىراتىن ەرەكشە ءونىم بولىپ تابىلادى. ونى جەۋ ەرتە جاستا بارلىق اۋرۋلاردان كەرەمەت يممۋنيتەتتى قامتاماسىز ەتەدى. "ىستىق سەحتار" مەن قىزمەتكەرلەردىڭ دەنساۋلىعىنا زياندى ءوندىرىس شوعىرلانۋىنىڭ ەداۋىر ۇلەسى بار شىعىس قازاقستان وبلىسى ءۇشىن ءسۇت مىندەتتى تۇردە بارلىق قىزمەتكەرلەردىڭ مازىرىنە كىرۋى ءتيىس.
