شقو-دا قارا سٶزدٸڭ زەرگەرٸ قاليحان ىسقاقوۆتىڭ 90 جىلدىق مەرەيتويىنا ارنالعان رەسپۋبليكالىق اقىندار ايتىسى مەرەسٸنە جەتتٸ, - دەپ حابارلايدى Dalanews.kz
ەلٸمٸزدٸڭ تٷكپٸر-تٷكپٸرٸنەن كەلگەن ون ەكٸ اقىن سٶز سايىستىرعان جىر بەسەكەسٸنٸڭ ەكٸنشٸ اينالىمىنا قارسىلاستارىنان جوعارى ۇپاي العان سەرٸك قۋانعان, اسپانبەك شۇعاتاەۆ, رٷستەم قايىرتايۇلى, جانسايا مۋسينا, بٸرجان بايتۋوۆ جەنە يرانعايىپ كٷزەمباەۆ سىندى اۋزىمەن قۇس تٸستەگەن جٷيرٸك اقىندار بٸر جارىم ساعات بويى ٶزارا سٶز سايىستىرىپ, «كٸم مىقتىنى» انىقتادى.
ايتىس بارىسىندا اششى دا تۇششى تاقىرىپتار, ورىندى ەزٸل-قالجىڭ مەن ەلدٸك مەسەلەلەر قوزعالىپ, كٶرەرمەننٸڭ قولداۋىنا يە بولدى.
وبلىس ورتالىعىندا اراعا ون جىل سالىپ قايتا ۇيىمداستىرىلعان ايتىس – ۇلتىمىزدىڭ ەرەكشە ٶنەرٸ رەتٸندە ساعىنعان حالىقتىڭ ايىزىن قاندىردى. قازىلار القاسىنىڭ بٸراۋىزدى شەشٸمٸمەن التى ساعاتقا سوزىلعان جىر بەسەكەسٸنٸڭ باس جٷلدەسٸن تاياۋدا عانا تارازدان باس جٷلدەمەن ورالعان جەرلەسٸمٸز, تالانتتى اقىن سەرٸك قۋانعان قانجىعاسىنا بايلادى.
ايتىستىڭ باس جٷلدەسٸن شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ ٶزٸ تابىستاپ, ايتىستى جارتى كٷننەن استام تاپجىلماي تىڭداعان كٶرەرمەنگە, سٶز مارجانىن ساپىرعان اقىندارعا, ايتىسقا ارنايى كەلگەن اقىن جٷرسٸن ەرمان مەن دەپۋتات امانجول ەلتاەۆقا, سونداي-اق ٶزگە دە قازىلار القاسىنا ريزاشىلىعىن بٸلدٸردٸ.
"بٷگٸن شىعىسىمىزدا سەن-سالتاناتى جاراسقان كەرەمەت كەش ٶتتٸ. ايتىس ٶنەرٸنٸڭ جانكٷيەرلەرٸ - سٸزدەرگە, وت اۋىز, وراق تٸلدٸ, سەيگٷلٸكتەي جٷزدەن جٷيرٸك شىققان, بٷگٸن باعى جانىپ, بابى كەلٸپ تۇرعان ايتىسكەرلەرگە - باسىمىزدى يٸپ ٷلكەن راحمەتٸمٸزدٸ ايتامىز. بۇيىرتسا, قاليحان ىسقاق ەسٸمٸنٸڭ قۇرمەتٸنە ارنالعان ٸس-شارالار لەگٸ جازدا رەسپۋبليكالىق دەڭگەيدە كاتونقاراعايدا دا جالعاسىن تابادى. قارا سٶزدٸڭ حاس شەبەرٸ بولعان اعامىزدىڭ ٶنەگەلٸ ٶمٸرٸ – بولاشاق ۇرپاققا ٷلگٸ. سوندىقتان وسىنداي رۋحاني ٸس-شارالار جالعاسىن تابۋى تيٸس. قازاقتىڭ ايتىسى باردا, رۋحىمىز بەرٸك, بولاشاعىمىز ايقىن!",- دەدٸ ايماق باسشىسى.
جٷلدەلٸ بٸرٸنشٸ ورىنعا اقتىق سايىستا سەرٸك قۋانعانمەن سٶز تالاستىرعان تالانتتى اقىن, سەمەيلٸك رٷستەم قايىرتايۇلى لايىق دەپ تانىلسا, جٷلدەلٸ ەكٸنشٸ ورىندى قىزىلوردالىق يرانعايىپ كٷزەمباەۆ پەن پاۆلودارلىق اسپانبەك شۇعاتاەۆ ٶزارا بٶلٸستٸ.
ٷشٸنشٸ ورىن ورالدىق جانسايا مۋسينا مەن وڭتٷستٸكتەن كەلگەن بٸرجان بايتۋوۆقا بۇيىردى.
ايتىسقا ٷلەس قوسقان ٶزگە اقىنداردىڭ بارلىعىنا ەل اتىنان قوماقتى سىي-سيياپات كٶرسەتٸلدٸ.
