ەل-فارابي داڭعىلىندا ٷش ادامنىڭ ٶمٸرٸن قيعان جول اپاتىنا قاتىستى سوت وتىرىسىندا قازا تاپقان قىزداردىڭ بٸرٸ توميريستٸڭ ەكەسٸ العاش رەت سٶز سٶيلەدٸ, دەپ حابارلايدى dalanews.kz.
ول سوتتان ٶزٸن جەبٸرلەنۋشٸ رەتٸندە تانۋدى سۇراپ, قىزىنىڭ ٶمٸرٸنە ەردايىم ارالاسىپ, قامقورلىق كٶرسەتكەنٸن ايتتى. قىزىنىڭ قازاسى تۋرالى سٶز قوزعاعان سەتتە ەكە ەموتسيياسىن ۇستاي الماي, كەيٸنگٸ ٷش ايدا دۇرىس ۇيىقتاماعانىن جەتكٸزدٸ.
سونداي-اق ول ايىپتالۋشىنى كەشٸرمەگەنٸن مەلٸمدەپ, بۇعان دەيٸن مارقۇمنىڭ اناسى ٶتەماقى العاننان كەيٸن تالاپتان باس تارتقانى ٶز ۇستانىمىنا ەسەر ەتپەيتٸنٸن ايتتى.
"ماعان ونىڭ اقشاسى دا, بايلىعى دا كەرەك ەمەس. بالامدى قايتارىپ بەرسٸن", – دەدٸ ول سوتتا.
مارقۇمنىڭ ەكەسٸ قورعاۋشىلار تاراپىنان ايتىلعان "ايىپتالۋشىنىڭ وتباسىنان اقشا الدى" دەگەن مەلٸمدەمەلەردٸ دە تەرٸسكە شىعاردى.
وتىرىستىڭ قورىتىندىسى بويىنشا سوت ونىڭ ٶتٸنٸشٸن قاناعاتتاندىرىپ, رەسمي تٷردە جەبٸرلەنۋشٸ مەرتەبەسٸن بەردٸ.
ەسكە سالايىق, ەل-فارابي داڭعىلىندا بولعان جول اپاتى 21 ناۋرىزعا قاراعان تٷنٸ تٸركەلگەن ەدٸ. تەرگەۋ مەلٸمەتٸنشە, Zeekr كٶلٸگٸنٸڭ جٷرگٸزۋشٸسٸ قارسى قوزعالىس جولاعىنا شىعىپ كەتٸپ, Mercedes اۆتوكٶلٸگٸمەن سوقتىعىسقان. اپات سالدارىنان Mercedes جٷرگٸزۋشٸسٸ مەن ەكٸ جولاۋشىسى وقيعا ورنىندا قازا تاپقان. قازٸرگٸ ۋاقىتتا ٸس سوتتا قارالىپ جاتىر.
