شىعىس قازاقستاننىڭ 6 مىڭنان استام وقۋشىسى تۋعان ولكەنىڭ تاريحى مەن تابيعاتىن تەرەڭىرەك تانۋعا مۇمكىندىك الدى، – دەپ حابارلايدى Dalanews.kz
«كيەلى شىعىس» جوباسىنا شىعىس قازاقستان وبلىسىنداعى جالپى ءبىلىم بەرۋ مەكەمەلەرىنىڭ 7-8-سىنىپ وقۋشىلارى قاتىسادى.
جوبا ەكى كەزەڭدە وتكىزىلەدى:
- 1-كەزەڭ – «كيەلى شىعىس» ينتەللەكتۋالدىق كونكۋرسى؛
- 2-كەزەڭ – شقو بويىنشا وقۋ-تانىمدىق تۋرلار.
ءبىرىنشى كەزەڭ 2 ساۋىردە ونلاين پلاتفورمادا بارلىق اۋدان مەن قالا مەكتەپتەرىندە ءوتتى. كونكۋرسقا 6 144 وقۋشىسى قاتىستى. قاتىسۋشىلار وڭىرلىك كومپونەنتتەرگە بايلانىستى «قازاقستان تاريحى»، «گەوگرافيا»، «بيولوگيا»، «ادەبيەت» پاندەرىنەن تەست تاپسىرمالارىن ورىندادى. كونكۋرستىڭ جەڭىمپازى بولعان 200 وقۋشى ماۋسىم ايىندا 4 باعىت بويىنشا وقۋ-تانىمدىق تۋرلارعا قاتىسادى: بەرەل (كاتونقاراعاي اۋدانى)، قيىن-كەرىش (كۇرشىم اۋدانى)، تاۋلى ءۇلبى – ريددەر قالاسى، سىبە كولدەرى – مارين جارتاسى.
وقۋ-تانىمدىق تۋرلار باعدارلاماسىنا ەكسكۋرسيالار، شەبەرلىك ساباقتارى جانە تۋريزم نەگىزدەرى بويىنشا وقۋ-پراكتيكالىق ساباقتار ەنگىزىلگەن. سونداي-اق تۋعان ولكەنىڭ داستۇرلەرى، مادەنيەتى مەن مۇراسىن زەرتتەۋ كوزدەلگەن.
وقۋشىلارعا ۇيىمداستىرۋشىلار، گيد-ەكسكۋرسيا جۇرگىزۋشىلەر، تۋريزم بويىنشا كاسىبي جاتتىقتىرۋشىلار، مۇعالىمدەر، مەديسينا جانە پوليسيا قىزمەتكەرلەرى ىلەسىپ جۇرەدى.
بالالار ءۇشىن شىعىس قازاقستاننىڭ مۇراجايلارىن، قورىقتارىن، مادەني-تاريحي ەسكەرتكىشتەرىن، كيەلى ورىندارىن، تابيعي ۇلتتىق پاركتەرىن كورۋگە – بىرەگەي مۇمكىندىك بولادى.
